ഇന്ത്യയുടെ രണ്ടാം സന്നാഹ മത്സരം മഴ മൂലം ഉപേക്ഷിച്ചു

 ഇന്ത്യയും നെതർലൻഡും തമ്മിൽ നിശ്ചയിച്ചിരുന്ന സന്നാഹമത്സരം മഴ കാരണം  ഉപേക്ഷിച്ചു . തിരുവനന്തപുരത്ത് കഴിഞ്ഞ രണ്ട് ദിവസമായി നിർത്താതെ പെയ്യുന്ന മഴയെ തുടർന്ന് ടോസ് പോലും ഇടാതെ മത്സരം ഉപേക്ഷിക്കാൻ അമ്പയർമാരും മാച്ച് ഒഫീഷ്യൽസും തീരുമാനിച്ചു.

ഇന്ത്യൻ ടീമിന്റെ പ്രകടനത്തിന് സാക്ഷ്യം വഹിക്കാൻ വൻ ജനാവലി സ്റ്റേഡിയത്തിൽ മഴയോട് പൊരുതി. നിർത്താതെ പെയ്യുന്ന മഴയെത്തുടർന്ന് അമ്പയർമാർ മത്സരം ഉപേക്ഷിക്കാൻ തീരുമാനിച്ചതിനാൽ ആരാധകർ നിരാശരായി സ്റ്റേഡിയത്തിന് പുറത്തേക്ക് നടക്കേണ്ടി വന്നു. ശനിയാഴ്ച ഓസ്‌ട്രേലിയയും നെതർലൻഡും തമ്മിലുള്ള ഏകദിന ലോകകപ്പ് സന്നാഹ മത്സരം കനത്ത മഴ കാരണം പൂർത്തിയാക്കാനായില്ല. ലോകകപ്പ് ഒക്ടോബർ 5 ന് ആരംഭിക്കും. ഇംഗ്ലണ്ടും ന്യൂസിലൻഡും തമ്മിൽ ഒക്ടോബർ 5 ന് അഹമ്മദാബാദിലാണ് ആദ്യ മത്സരം. ഇന്ത്യയുടെ ആദ്യ മത്സരം ഒക്ടോബർ 8 ന് ചെന്നൈയിൽ ഓസ്ട്രേലിയക്കെതിരെയാണ്. ഇന്ത്യ-പാക് മത്സരം 15നാണ്.