ലോകകപ്പിൽ ഇന്ത്യ- ഓസീസ് ഫൈനലിൽ !
Nov 16, 2023, 22:40 IST
![ലോകകപ്പിൽ ഇന്ത്യ- ഓസീസ് ഫൈനലിൽ !](https://timeskerala.com/static/c1e/client/91214/uploaded/82bab0866b5d6f0544be6bfe71c44d1b.jpg)
കൊൽക്കത്ത: രണ്ടാം സെമിയിൽ ദക്ഷിണാഫ്രിക്കയെ മൂന്ന് വിക്കറ്റിന് കീഴടക്കി ഓസ്ട്രേലിയ ഇന്ത്യയുമായുള്ള ലോകകപ്പ് കലാശക്കളിക്ക് ടിക്കറ്റെടുത്തു.ആദ്യം ബാറ്റ് ചെയ്ത ദക്ഷിണാഫ്രിക്കയെ 49.4 ഓവറിൽ 212 റൺസിൽ ഒതുക്കിയശേഷം 47.2 ഓവറിൽ 7 വിക്കറ്റ് നഷ്ടത്തിൽ ലക്ഷ്യത്തിലെത്തുകയായിരുന്നു ഓസീസ്. ഡേവിഡ് മില്ലറുടെ (101) ഒറ്റയാൻ പോരാട്ടത്തിലൂടെയാണ് ദക്ഷിണാഫ്രിക്ക 212 റൺസിലെത്തിയത്. 47 റൺസെടുത്ത ക്ളാസനും 19 റൺസടിച്ച കോറ്റ്സെയ്ക്കുമാണ് മില്ലറെ അൽപ്പമെങ്കിലും സഹായിക്കാൻ പറ്റിയത്. 116 പന്തുകളിൽ എട്ടുഫോറുകളും അഞ്ച് സിക്സുകളുമടങ്ങുന്നതായിരുന്നു മില്ലറിന്റെ സെഞ്ച്വറി. ഓസീസിനായി സ്റ്റാർക്കും കമ്മിൻസും മൂന്ന് വിക്കറ്റ് വീതവും ഹേസൽവുഡും ട്രാവിസ് ഹെഡും രണ്ട് വിക്കറ്റ് വീതവും നേടി.