അർജന്റീന-ബ്രസീൽ മത്സരത്തിന് ആരാധകർ തമ്മിലടിച്ചു
Nov 22, 2023, 11:44 IST
![അർജന്റീന-ബ്രസീൽ മത്സരത്തിന് ആരാധകർ തമ്മിലടിച്ചു](https://timeskerala.com/static/c1e/client/91214/uploaded/c84bc70e4a14821309e00f4d20c19415.webp)
മാരക്കാന: ബ്രസീൽ-അർജന്റീന ലോകകപ്പ് യോഗ്യതാ മത്സരം തുടങ്ങുന്നതിന് മുമ്പ് ഗ്യാലറിയിൽ ആരാധകർ തമ്മിൽ സംഘർഷം. മത്സരം അരമണിക്കൂറോളം വൈകി. ഇന്ത്യൻ സമയം രാവിലെ ആറിന് തുടങ്ങേണ്ട മത്സരമാണ് വൈകിയത്. സംഘർഷത്തെ തുടർന്ന് മെസ്സിയും സംഘവും ഡ്രസ്സിങ് റൂമിലേക്ക് മടങ്ങിയിരുന്നു. പൊലീസ് ഇടപെട്ട് ആരാധകരെ ശാന്തരാക്കിയതോടെയാണ് ടീം കളത്തിലേക്ക് മടങ്ങിയെത്തി കളി ആരംഭിച്ചത്. അർജന്റീന അവസാന മത്സരത്തിൽ ഉറുഗ്വേയോട് തോറ്റിരുന്നു. ബ്രസീൽ കൊളംബിയയോടും പരാജയപ്പെട്ടു. ബ്രസീൽ അവസാന മൂന്ന് മത്സരങ്ങളും വിജയിച്ചിട്ടില്ല. അവർ ഇപ്പോൾ പോയിന്റ് ടേബിളിൽ അഞ്ചാം സ്ഥാനത്താണ്. അവസാന കളിയിൽ തോൽവി വഴങ്ങിയെങ്കിലും അർജന്റീന പോയിന്റ് പട്ടികയിൽ ഒന്നാമതാണ്.