ബെൽജിയം ഫുട്ബോൾ താരം ഏദൻ ഹസാർഡ് വിരമിച്ചു
Oct 10, 2023, 19:59 IST
![ബെൽജിയം ഫുട്ബോൾ താരം ഏദൻ ഹസാർഡ് വിരമിച്ചു](https://timeskerala.com/static/c1e/client/91214/uploaded/cc695ce0df995a6df72b4fc245c74d90.webp)
ബ്രസൽസ്: ബെൽജിയം ഫുട്ബോൾ താരം ഏദൻ ഹസാർഡ് ഫുട്ബോളിനോട് വിടപറഞ്ഞു. 32-ാം വയസിലാണ് താരം കളി നിർത്തിയത്.
മോശം ഫോമും തുടർച്ചയായ പരിക്കും മൂലം താരവുമായുള്ള കരാർ സ്പാനിഷ് ക്ലബ് റയൽ മാഡ്രിഡ് റദ്ദാക്കിയിരുന്നു. തുടർന്ന് മറ്റൊരു ക്ലബിൽ ചേരാനുള്ള സാധ്യത അടഞ്ഞതിനെ തുടർന്നാണ് ഹസാർഡ് ഫുട്ബോൾ മതിയാക്കിയത്.
2008-ലാണ് ഹസാർഡ് ബെൽജിയം ടീമിൽ അരങ്ങേറ്റം കുറിച്ചത്. രാജ്യത്തിനായി 126 മത്സരങ്ങളിൽ ബൂട്ടണിഞ്ഞ താരം 36 ഗോളുകളും അന്താരാഷ്ട്ര തലത്തിൽ നേടിയിട്ടുണ്ട്. 2019-ലാണ് ഇംഗ്ലീഷ് പ്രീമിയർ ലീഗ് ക്ലബ് ചെൽസിയിൽ നിന്നും ഹസാർഡ് 89 മില്യൺ പൗണ്ടിന് റയൽ മാഡ്രിഡിൽ എത്തിയത്. എന്നാൽ ചെൽസിയിലെ മികവ് താരത്തിന് സ്പാനിഷ് ക്ലബിൽ പുറത്തെടുക്കാനായില്ല. തുടർച്ചയായ പരിക്കും താരത്തിന് തിരിച്ചടിയായി.
![](https://timeskerala.com/static/c1e/static/themes/16/91214/3752/images/New-Creative-.png)