മുൻ ഇന്ത്യൻ നായകൻ ദിലീപ് ടിർക്കി ഹോക്കി ഇന്ത്യ പ്രസിഡന്റായി എതിരില്ലാതെ തെരഞ്ഞെടുക്കപ്പെട്ടു
ന്യൂഡൽഹി: മുൻ ഇന്ത്യൻ നായകൻ ദിലീപ് ടിർക്കി ഹോക്കി ഇന്ത്യ പ്രസിഡന്റായി എതിരില്ലാതെ തെരഞ്ഞെടുക്കപ്പെട്ടു. ഹോക്കി ഇന്ത്യ തെരഞ്ഞെടുപ്പ് ഒക്ടോബർ ഒന്നിന് നടത്താൻ നിശ്ചയിച്ചിരുന്നെങ്കിലും ടിർക്കിയെ മത്സരിക്കാൻ മറ്റാരുമില്ലാതിരുന്നതിനാൽ പ്രസിഡന്റായി പ്രഖ്യാപിക്കുകയായിരുന്നു.
ഉത്തർപ്രദേശ് ഹോക്കി പ്രസിഡന്റ് രാകേഷ് കട്യാലും ഹോക്കി ജാർഖണ്ഡ് പ്രസിഡന്റും മുൻ ദേശീയ ഗുസ്തി താരവുമായ ഭോലാ നാഥ് സിംഗും പ്രസിഡന്റ് സ്ഥാനത്തേക്ക് നാമനിർദേശ പത്രിക സമർപ്പിച്ചിരുന്നു. എന്നാൽ പത്രിക പിൻവലിച്ചതോടെയാണ് മത്സരം ഒഴിവായത്. ഭോല നാഥ് എതിരില്ലാതെ സെക്രട്ടറി ജനറലായി തെരഞ്ഞെടുക്കപ്പെട്ടു. പത്രിക ഭോല നാഥിനെതിരെ മത്സരിച്ചവരും പിൻവലിച്ചു.