കോമണ്വെല്ത്ത് ഗെയിംസ് : 10,000 മീറ്റർ നടത്തത്തിൽ ഇന്ത്യയുടെ പ്രിയങ്ക ഗോസ്വാമിക്ക് വെള്ളി
ബര്മിംഗ്ഹാം: ഇന്ത്യയുടെ പ്രിയങ്ക ഗോസ്വാമിക്ക് കോമണ്വെല്ത്ത് ഗെയിംസ് 10,000 മീറ്റർ നടത്തത്തിൽ വെള്ളി. ഇന്ത്യയുടെ മീറ്റിലെ അത്ലറ്റിക്സിൽ മൂന്നാം മെഡലാണിത്. പ്രിയങ്ക ലക്ഷ്യം പൂർത്തിയാക്കിയത് 43.38 മിനിറ്റിലാണ്. ഈ ഇനത്തില് സ്വര്ണം നേടിയത് ഓസ്ട്രേലിയയിലെ ജെമീമ മോണ്ടാംഗാണ്. ഓസീസ് താരം മത്സരം പൂർത്തിയാക്കിയത് 42.34 മിനിറ്റിൽ ആണ്. വെങ്കലം നേടിയത് കെനിയയുടെ എമിലി വാമൂസി എന്ഗിയ ആണ്.
പ്രിയങ്കയായിരുന്നു ആദ്യ 4,000 മീറ്റര് പിന്നിട്ടപ്പോള് മുന്നില്. പിന്നീട് ഓസ്ട്രേലിയന് താരം അപ്രതീക്ഷിത നീക്കത്തിലൂടെ മുന്നിലെത്തുകയായിരുന്നു. മത്സരത്തിൽ ഇന്ത്യയുടെ ഭാവന ജാട്ടും ഉണ്ടായിരുന്നു. താരം പത്താം സ്ഥാനം നേടി.