ശബരിമല നട ഇന്ന് ഇടവമാസ പൂജകൾക്കായി തുറക്കും
May 14, 2024, 13:59 IST
പത്തനംതിട്ട: ശബരിമല നട ഇന്ന് ഇടവമാസ പൂജകൾക്കായി തുറക്കും. വൈകുന്നേരം അഞ്ചിനാണ് നട തുറക്കുന്നത്. ക്ഷേത്ര തന്ത്രി കണ്ഠരര് മഹേഷ് മോഹനരുടെ മുഖ്യകാർമികത്വത്തിൽ ക്ഷേത്ര മേൽശാന്തി പി.എൻ. മഹേഷ് നമ്പൂതിരിയുടെ നേതൃത്വത്തിലാണ് ഇത്. ഹരിവരാസനം പാടി രാത്രി 10 മണിക്ക് നട അടയ്ക്കുകയും ഇടവം ഒന്നായ ബുധനാഴ്ച പുലർച്ചെ അഞ്ചിനു പതിവു പൂജകൾക്കു ശേഷം നെയ്യഭിഷേകം തുടങ്ങുകയും ചെയ്യും.