മരാമണ് കണ്വൻഷന് ഇന്ന് തുടക്കം
Updated: Feb 11, 2024, 11:15 IST
![മരാമണ് കണ്വൻഷന് ഇന്ന് തുടക്കം](https://timeskerala.com/static/c1e/client/91214/uploaded/73376800171bee4f6f71b90100abeaa3.jpg)
പത്തനംതിട്ട: ഏഷ്യയിലെ ഏറ്റവും വലിയ ക്രൈസ്തവ കൺവൻഷനായ മാരാമൺ കൺവൻഷന് തുടക്കമായി. കോഴഞ്ചേരി പമ്പാ മണൽപ്പുറത്ത് നടക്കുന്ന കൺവെൻഷൻ ഡോ. തിയഡോഷ്യസ് മാർത്തോമ്മാ മെത്രാപൊലിത്ത ഉദ്ഘാടനം നിർവഹിക്കും. ഈ മാസം 18 വരെ ഉണ്ടാകുന്ന കണ്വൻഷനിൽ മാർത്തോമ്മാ സഭയിലെ ബിഷപ്പുമാരും വിവിധ രാജ്യങ്ങളിൽ നിന്നുള്ള പ്രതിനിധികളും പങ്കെടുക്കും. 14 ന് നടക്കുന്ന എക്യുമെനിക്കൽ സമ്മേളനത്തിൽ അനേകം സഭകളിലെ സഭാ അധ്യക്ഷൻമാർ പങ്കെടുക്കും.
![](https://timeskerala.com/static/c1e/static/themes/16/91214/3752/images/New-Creative-.png)
കൺവൻഷൻ നഗറിൽ കുടിവെള്ളം ശുചിമുറികൾ എന്നിവയെല്ലാം ഒരുക്കിയിട്ടുണ്ട്. ആംബുലൻസ് സൗകര്യം, മെഡിക്കൽ സംഘം എന്നിവയും സജ്ജമാക്കിയിട്ടുണ്ട്. കൺവൻഷനിൽ ആളുകൾക്ക് എത്തിചേരുന്നതിനായി കെ.എസ്.ആർ.ടി.സി യുടെ പ്രത്യേക സർവീസുകൾ ഒരുക്കുന്നുണ്ട്. വിവിധ രാഷ്ട്രീയ സാംസ്കാരിക രംഗത്തെ പ്രമുഖർ കൺവൻഷനിൽ പങ്കെടുക്കും.