പക്ഷിപ്പനി സ്ഥിരീകരിച്ചു: നിരണം ഫാമിലെ മുഴുവൻ താറാവുകൾക്കും ദയാവധം നൽകി സംസ്കരിക്കും
May 14, 2024, 14:27 IST
![കുട്ടനാട്ടില് താറാവ് കുഞ്ഞുങ്ങള് കൂട്ടത്തോടെ ചത്തൊടുങ്ങുന്നു](https://timeskerala.com/static/c1e/client/91214/migrated/bf6a00e39499d6b41b9ea2d4f0750d70.jpg)
തിരുവല്ല: പക്ഷിപ്പനി സ്ഥിരീകരിച്ച സാഹചര്യത്തില് നിരണം ഡക്ക് ഫാമിലെ മുഴുവന് താറാവുകള്ക്കും ദയാവധം നല്കുകയും ശാസ്ത്രീയമായി സംസ്കരിക്കുകയും ചെയ്യും. ഇതിന് ഇന്ന് രാവിലെ മുതൽ ആരംഭമായി. ഇതിനായി മൃഗസംരക്ഷണ വകുപ്പിലെ ഉദ്യോഗസ്ഥരുൾപ്പെടെയുള്ള ടീമുകളെ നിയോഗിച്ചു. പക്ഷിപ്പനി സ്ഥിരീകരിച്ച ഒരു കിലോമീറ്റര് ചുറ്റളവ് ഇന്ഫെക്ടഡ് സോണായും പത്തു കിലോമീറ്റര് ചുറ്റളവ് സര്വൈവല് സോണായും പ്രഖ്യാപിച്ചുകൊണ്ട് ഏഴുപേര് വീതം അടങ്ങുന്ന ഓരോ ടീമും നടപടികൾ സ്വീകരിച്ചു. കൂടാതെ, ഇന്ഫെക്ടഡ് സോണില് ഉള്പ്പെടുന്ന എല്ലാ പക്ഷികളെയും ഇല്ലായ്മ ചെയ്യാൻ തീരുമാനമെടുത്തു. പത്തനംതിട്ട ജില്ലാ കളക്ടര് അടിയന്തരമായി ഇതിനു വേണ്ട നടപടികൾ സ്വീകരിക്കാൻ നിർദേശം നൽകുകയുണ്ടായി.