അട്ടപ്പാടിയിലിറങ്ങിയ പുലി പശുക്കിടാവിനെ കൊന്നു, വീടിന്‍റെ ജനലും തകര്‍ത്തു
Apr 1, 2024, 12:35 IST
പാലക്കാട് : അട്ടപ്പാടി അഗളിയിലിറങ്ങിയ പുലി പശുക്കിടാവിനെ കൊന്നതിനോടൊപ്പം വീടിൻ്റെ ജനലും തകർത്തു. പുലി പിടിച്ചത് അഗളി സ്വദേശി തങ്കരാജിന്‍റെ പശുക്കിടാവിനെയാണ്. സംഭവം നടന്നത് പൂവാത്ത കോളനിക്ക് സമീപം ഞായറാഴ്ച രാത്രി പന്ത്രണ്ടരയോടെയാണ്. വൈദ്യുതി ഇല്ലാത്തതിനാൽ പുറത്തു ശബ്ദം കേട്ടിട്ടും വീട്ടുകാർക്ക് ഇറങ്ങിനോക്കാൻ കഴിഞ്ഞില്ല. ശേഷം ജനലിലൂടെ നോക്കിയപ്പോഴാണ് ഇരുട്ടിൽ നിൽക്കുന്ന രൂപം ശ്രദ്ധയിൽപ്പെട്ടത്. തുടർന്ന് ആര്‍.ആര്‍.ടിയെ വിവരമറിയിക്കുകയും സ്ഥലത്തെത്തിയ ആർ.ആർ.ടി. സംഘം പടക്കം പൊട്ടിച്ച് പുലിയെ തുരത്തുകയുമായിരുന്നു.