റോഡിലെ കുഴിയില്‍ വീണ് വയോധികന് ദാരുണാന്ത്യം
May 16, 2024, 15:34 IST
പാലക്കാട്: റോഡിലെ കുഴിയില്‍ വീണ് വയോധികൻ മരിച്ചു. പറക്കുന്നത്ത് ജല അതോറിറ്റി പൈപ്പിടാന്‍ എടുത്ത കുഴിയില്‍ വീണ് മരണപ്പെട്ടത് സ്കൂട്ടര്‍ യാത്രികനായ വടക്കുന്തറ സ്വദേശി സുധാകരന്‍(65) ആണ്. അപകടമുണ്ടാകുന്നത് ബുധനാഴ്ച രാത്രി ഏഴരയോടെയാണ്. ഇയാൾ സഞ്ചരിച്ച സ്‌കൂട്ടർ കുഴിയിൽ വീഴുകയും തുടർന്ന് തെറിച്ചു വീണ സുധാകരന്‍റെ തല പാറയില്‍ ഇടിക്കുകയുമായിരുന്നു. ഉടനെ തന്നെ ഇയാളെ സമീപത്തുണ്ടായിരുന്നവർ ആശുപത്രിയിലെത്തിച്ചുവെങ്കിലും മരണം സംഭവിച്ചു.