അട്ടപ്പാടിയില്‍ ആദിവാസി യുവാവിന് കാട്ടാനയാക്രമണത്തിൽ പരിക്ക്
Jun 10, 2024, 13:50 IST
പാലക്കാട്: അട്ടപ്പാടിയില്‍ ആദിവാസി യുവാവിന് കാട്ടാനയുടെ ആക്രമണത്തില്‍ പരിക്കേറ്റു. ആക്രമണത്തിൽ പരിക്കുണ്ടായത് അഗളി കൂടന്‍ചാള ഊരിലെ ഈശ്വരന് (34) ആണ്. സംഭവമുണ്ടായത് ഞായറാഴ്ച രാത്രിയാണ്. ഇയാൾ ജോലി കഴിഞ്ഞ് ഊരിലേയ്ക്ക് വരികയായിരുന്നു. തുടർന്ന് ഈശ്വരൻ കാട്ടാനയുടെ മുൻപിൽ പെട്ടു. ആന ഇയാളെ തുമ്പിക്കൈ കൊണ്ട് അടിക്കുകയായിരുന്നു. ചിന്നം വിളിച്ച് പാഞ്ഞടുത്ത ആനയില്‍ നിന്ന് 200 മീറ്റര്‍ അകലെയുള്ള വീട്ടിലേക്ക് ഓടിക്കയറി രക്ഷപ്പെടുകയായിരുന്നു ഈശ്വരൻ. തുടർന്ന് ആശുപത്രിയിൽ ചികിത്സ തേടിയ ഇയാളുടെ വാരിയെല്ലിനും പല്ലിനും പൊട്ടലുണ്ട്.