ബിഹാറിൽ വിശ്വാസവോട്ടെടുപ്പ്; തേജസ്വി യാദവിന്‍റെ വസതിയിൽ പോലീസ് പരിശോധന
Feb 12, 2024, 06:20 IST
പാട്ന: ബിഹാറിൽ തിങ്കളാഴ്ച വിശ്വാസവോട്ടെടുപ്പ് നടക്കാനിരിക്കെ മുൻ ഉപമുഖ്യമന്ത്രിയും ആർജെഡി നേതാവുമായ തേജസ്വി യാദവിന്‍റെ വസതിയിൽ പോലീസ് പരിശോധന. ഞായറാഴ്ച രാത്രിയാണ് ആർജെഡി നേതാവിന്‍റെ വീട്ടിൽ പോലീസെത്തിയതായി റിപ്പോർട്ട്. ആർജെഡി എംഎൽഎ ചേതൻ ആനന്ദിന്‍റെ പരാതിയിലാണ് പോലീസ് എത്തിയെന്നാണ് ലഭിക്കുന്ന വിവരം. വിശ്വാസവോട്ടെടുപ്പ് കണക്കിലെടുത്ത് തന്നെ തേജസ്വി യാദവ് വീട്ടുതടങ്കലിൽ പാർപ്പിച്ചിരിക്കയാണ് എന്നാണ് പാട്ന പോലീസിന് ലഭിച്ച പരാതി.
എന്നാൽ വിശ്വസവോട്ടെടുപ്പിൽ പരാജയപ്പെടും എന്നായപ്പോൾ മുഖ്യമന്ത്രി നിതീഷ് കുമാറാണ് പോലീസിനെ അയച്ചതെന്ന് സമൂഹമാധ്യമത്തിലൂടെ ആർജെഡി ആരോപിച്ചു. പേടിച്ച് തല കുനിക്കുന്നവരല്ല തങ്ങളെന്നും ആർജെഡി വ്യക്തമാക്കി.