യുപിയിൽ  2006ൽ തട്ടിക്കൊണ്ടുപോയ യുവതിയെ 17 വർഷത്തിന് ശേഷം കണ്ടെത്തി
 

ന്യൂഡൽഹി: 2006ൽ തട്ടിക്കൊണ്ടുപോയ യുവതിയെ 17 വർഷത്തിന് ശേഷം ഡൽഹിയിലെ ഗോകൽപുരിയിൽ കണ്ടെത്തി. പൊലീസിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ നടത്തിയ അന്വേഷണത്തിലാണ് യുവതിയെ കണ്ടെത്തിയത്. യുവതിക്ക് ഇപ്പോൾ 32 വയസുണ്ട്.

2006 ൽ ഡൽഹിയിലെ ഗോകുൽപുരി പൊലീസ് സ്റ്റേഷനിലാണ് യുവതിയുടെ മാതാപിതാക്കൾ കുട്ടിയെ കാണാനില്ല എന്ന് പരാതി നൽകിയത്. പരാതിയുടെ അടിസ്ഥാനത്തിൽ പൊലീസ് അന്വേഷണം നടത്തിയെങ്കിലും അന്ന് കണ്ടെത്താനായില്ല. ഗോകൽപുരിയിലെ വാടക വീട്ടിൽ നിന്നാണ് ഇപ്പോൾ യുവതിയെ കണ്ടെത്തിയത്.

വീട്ടിൽ നിന്ന് പോയ ശേഷം താൻ യുപിയിലെ ചെർദിഹ് ജില്ല ബാലിയ എന്ന ഗ്രാമത്തിൽ ദീപക് എന്ന വ്യക്തിയോടൊപ്പം താമസിച്ചിരുന്നതായി യുവതി വെളിപ്പെടുത്തി. ഇയാളുമായി പിന്നീട് പ്രശ്‌നങ്ങളുണ്ടാകുകയും ലോക്ഡൗൺ സമയത്ത് ഡൽഹിയിലെത്തി വാടിക വീട്ടിൽ താമസം ആരംഭിക്കുകയായിരുന്നു എന്നും യുവതി പറഞ്ഞു.