ഗുസ്തി താരങ്ങളുടെ ഹര്‍ജി തീര്‍പ്പാക്കി സുപ്രീം കോടതി; പരാതിയുണ്ടെങ്കിൽ ഹൈക്കോടതിയെ സമീപിക്കാമെന്നും കോടതി
May 4, 2023, 15:46 IST
ന്യൂഡല്‍ഹി: ബ്രിജ് ഭൂഷനെതിരെ പോലീസ് കേസെടുത്ത സാഹചര്യത്തില്‍ ഗുസ്തി താരങ്ങളുടെ ഹര്‍ജി സുപ്രീംകോടതി തീര്‍പ്പാക്കി. കേസ് സംബന്ധിച്ച് എന്തെങ്കിലും പരാതി ഉയര്‍ന്നാല്‍ പരാതിക്കാര്‍ക്ക് മജിസ്‌ട്രേറ്റിനെയോ ഹൈക്കോടതിയെയോ സമീപിക്കാമെന്ന് ഇന്ന് ഹർജി പരിഗണിക്കവെ കോടതി പറഞ്ഞു.ഗുസ്തി ഫെഡറേഷന്‍ പ്രസിഡന്‍റും ബിജെപി എംപിയുമായ ബ്രിജ് ഭൂഷനെതിരെ ലൈംഗിക പീഡന പരാതി നല്‍കിയിട്ടും ഡല്‍ഹി പോലീസ് കേസെടുക്കുന്നില്ലെന്ന് ചൂണ്ടിക്കാട്ടി ഗുസ്തി താരങ്ങള്‍ നല്‍കിയ ഹര്‍ജിയാണ് കോടതി തീര്‍പ്പാക്കിയത്. കേസില്‍ എഫ്‌ഐആര്‍ രജിസ്റ്റര്‍ ചെയ്ത സാഹചര്യത്തില്‍ കോടതി കൂടുതല്‍ ഇടപെടുന്നില്ലെന്ന് ചീഫ് ജസ്റ്റീസ് ഡി.വൈ.ചന്ദ്രചൂഡ് വ്യക്തമാക്കി.