കോവിഡ് നിയന്ത്രണങ്ങൾക്കിടെ കുരങ്ങന്റെ 'സംസ്കാര ചടങ്ങ്'; 1500 പേർ പങ്കെടുത്തു; രണ്ട് പേർ അറസ്റ്റിൽ
Jan 12, 2022, 10:03 IST
ഭോപ്പാൽ: മധ്യപ്രദേശില് കോവിഡ് നിയന്ത്രണങ്ങൾ ലംഘിച്ച് ചത്തുപോയ കുരങ്ങന്റെ സംസ്കാര ചടങ്ങിൽ ആളുകൾ പങ്കെടുത്തതിൽ പോലീസ് കേസെടുത്തു . രാജ്ഘഡ് ജില്ലയിലെ ദാല്പുര ഗ്രാമത്തിൽ നടന്ന ചടങ്ങളിൽ 1500 പേരാണ് പങ്കെടുത്തത്. ഇതില് രണ്ടുപേരെ പോലീസ് അറസ്റ്റ് ചെയ്തിട്ടുണ്ട് .ഡിസംബര് 29നായിരുന്നു സംഭവം നടന്നത് . ഗ്രാമത്തിലെ സ്ഥിരം സന്ദര്ശകനായിരുന്നു ചത്തുപോയ കുരങ്ങൻ. അന്ത്യകര്മങ്ങള്ക്ക് ശേഷം ഗ്രാമവാസികളില് നിന്ന് പിരിവെടുത്ത് 1500ലധികം പേര്ക്ക് പ്രത്യേക വിരുന്നും സംഘാടകര് ഒരുക്കി.