‘ചെന്നൈ-ബെംഗളൂരു എക്സ്പ്രസ്വേ ഡിസംബറിൽ തുറക്കും
Feb 11, 2024, 15:07 IST
![‘ചെന്നൈ-ബെംഗളൂരു എക്സ്പ്രസ്വേ ഡിസംബറിൽ തുറക്കും](https://timeskerala.com/static/c1e/client/91214/uploaded/89ca3970f179b05edeef84493715d8db.jpg)
2024 ഡിസംബർ മാസത്തോടെ ചെന്നൈ-ബെംഗളൂരു എക്സ്പ്രസ്വേ ഉപയോഗിക്കാൻ കഴിയുമെന്ന് കേന്ദ്ര ഗതാഗതമന്ത്രി നിതിൻ ഗഡ്കരി. ലോക്സഭയിൽ ചോദ്യങ്ങൾക്കുള്ള മറുപടി നൽകവെയാണ് മന്ത്രി ഇക്കാര്യം അറിയിച്ചത്. ഡിഎംകെ അംഗം ദയാനിധി മാരന്റെ ചോദ്യത്തിന് മറുപടി നൽകുകയായിരുന്നു നിതിൻ ഗഡ്കരി.
![](https://timeskerala.com/static/c1e/static/themes/16/91214/3752/images/New-Creative-.png)
ഒരുപാട് പ്രതീക്ഷയോടെ ഇരുനഗരങ്ങളും കാക്കുന്ന പദ്ധതി ഒരു വർഷത്തിനുള്ളിൽ പൂർത്തീകരിക്കുമെന്ന് ഗഡ്കരി സഭയിൽ വ്യക്തമാക്കി. ഇക്കാര്യത്തിൽ സഭയ്ക്ക് ഞാൻ ആത്മവിശ്വാസം നൽകുകയാണ്. ഡിസംബർ മാസം മുതൽക്ക് ചെന്നൈ-ബെംഗളൂരു ദൂരം രണ്ട് മണിക്കൂറായി ചുരുങ്ങുമെന്ന് ഗഡ്കരി സഭയിൽ കൂട്ടിച്ചേർത്തു.