പരസ്പര ബഹുമാനത്തിന്‍റെ അടിസ്ഥാനത്തില്‍ പ്രവര്‍ത്തിക്കാന്‍ ആഗ്രഹിക്കുന്നുവെന്ന് കനേഡിയൻ പ്രധാനമന്ത്രിയോട് പറഞ്ഞ് നരേന്ദ്രമോദി
Jun 10, 2024, 14:02 IST
ന്യൂഡല്‍ഹി: മൂന്നാമതും പ്രധാനമന്ത്രിയായി അധികാരമേറ്റ സാഹചര്യത്തിൽ വിവിധ രാജ്യങ്ങളിലെ ഭരണാധികാരികള്‍ നരേന്ദ്രമോദിക്ക് അഭിനന്ദനം അറിയിക്കുകയാണ്. കനേഡിയന്‍ പ്രധാനമന്ത്രി ജസ്റ്റിന്‍ ട്രൂഡോയും മൂന്നാം വിജയത്തിന്‍റെ പശ്ചാത്തലത്തില്‍ അദ്ദേഹത്തെ അഭിനന്ദിക്കുകയുണ്ടായി. ഇന്ത്യയും കാനഡയും തമ്മിലുള്ള നയതന്ത്ര ബന്ധങ്ങള്‍ വഷളായി തുടരുകയാണ്. ഈ അവസരത്തിലാണ് മോദിയെ ട്രൂഡോ അഭിനന്ദിക്കുന്നത്. ട്രൂഡോയുടെ സോഷ്യല്‍ മീഡിയ സന്ദേശത്തിന് മോദിയുടെ മറുപടി ഇന്ത്യ കാനഡയുമായി പരസ്പര ധാരണയുടെയും ബഹുമാനത്തിന്‍റെയും അടിസ്ഥാനത്തില്‍ പ്രവർത്തിക്കാൻ ആഗ്രഹിക്കുന്നുവെന്നാണ്.