ജമ്മുകാഷ്മീരിൽ സൈനിക താവളത്തിന് നേരെ ഭീകരാക്രമണം; രണ്ട് സൈനികർക്ക് പരിക്ക്
Jun 12, 2024, 08:11 IST
ശ്രീനഗർ: ജമ്മു കാഷ്മീരിലെ ദോഡയിലെ സൈനിക താവളത്തിന് നേരെ ഭീകരാക്രമണം. ഇവിടെ സുരക്ഷാസേനയും ഭീകരരും തമ്മിൽ ഏറ്റുമുട്ടൽ തുടരുകയാണ്. കഴിഞ്ഞ മൂന്ന് ദിവസത്തിനിടെയുണ്ടായ മൂന്നാമത്തെ സംഭവമാണിത്. ദോഡയിലെ ഛത്തർഗല മേഖലയിൽ സൈന്യവും പോലീസും ഭീകരരുമായി ഏറ്റുമുട്ടൽ തുടരുകയാണെന്ന് പോലീസ് അറിയിച്ചു. വെടിവെപ്പിൽ രണ്ട് സൈനികർക്ക് പരിക്കേറ്റതായാണ് ലഭിക്കുന്ന റിപ്പോർട്ട്.