ഡൽഹിയിൽ കൗമാരക്കാരനെ കുത്തിക്കൊന്നു
Jun 12, 2024, 06:15 IST
ന്യൂഡൽഹി: വടക്കുപടിഞ്ഞാറൻ ഡൽഹിയിലെ ജഹാംഗീർപുരി പ്രദേശത്ത് 15 വയസുള്ള ആൺകുട്ടിയെ അജ്ഞാതർ കുത്തിക്കൊന്നു. വീടിന് സമീപത്തു വച്ചാണ് സംഭവം നടന്നത്.
മനീഷ് കുമാർ എന്ന ബാലനാണ് കൊല്ലപ്പെട്ടത്. അബോധാവസ്ഥയിൽ കിടക്കുന്നത് കണ്ട മനീഷ് കുമാറിനെ കുടുംബാംഗങ്ങൾ ആശുപത്രിയിലെത്തിച്ചെങ്കിലും മരണം സംഭവിച്ചിരുന്നു. വ്യക്തിവൈരാഗ്യമായിരിക്കാം സംഭവത്തിന് പിന്നിലെ കാരണമെന്നും എല്ലാ കോണുകളിൽ നിന്നും അന്വേഷണം നടക്കുന്നുണ്ടെന്ന് ഒരു പോലീസ് ഉദ്യോഗസ്ഥൻ പറഞ്ഞു.