തമിഴ്നാട്ടിലെ പ്രമുഖ യൂട്യൂബർ സവുക്ക് ശങ്കറിനെതിരെ ഗുണ്ടാനിയമം ചുമത്തി

 

ചെന്നൈ: പൊലീസ് ഉദ്യോഗസ്ഥരെയും വനിതാ പൊലീസുകാരെയും അപകീർത്തിപ്പെടുത്തിയ കേസിൽ അറസ്റ്റ് ചെയ്യപ്പെട്ട് കോയമ്പത്തൂർ സെൻട്രൽ ജയിലിൽ റിമാൻഡിൽ കഴിയുന്ന പ്രമുഖ യൂട്യൂബറായ സവുക്ക് ശങ്കറിനെതിരെ ഗുണ്ടാ വിരുദ്ധ നിയമം ചുമത്തപ്പെട്ടു. ഇതനുസരിച്ച് ഒരു വർഷക്കാലത്തേക്ക് ജാമ്യത്തിലിറങ്ങാൻ കഴിയില്ല. 

ഇതുമായി ബന്ധ​പ്പെട്ട് ചെന്നൈ പോലീസ് കമ്മീഷണർ സന്ദീപ് റോയ് റാത്തോഡ് ആണ് ഉത്തരവിറക്കിയത്.  വനിതാ പൊലീസ് ഉദ്യോഗസ്ഥരെ അപകീർത്തിപ്പെടുത്തിയ കേസ് കൂടാതെ കാറിൽനിന്ന് കഞ്ചാവും കടത്തിയതിനും ശങ്കറിനെതിരെ കേസുണ്ട്.