മൂന്നാം നരേന്ദ്ര മോദി സർക്കാരിന്റെ സത്യപ്രതിജ്ഞ ഞായറാഴ്ച: വിട്ടുവീഴ്ചയില്ലാതെ ടി ഡി പിയും ജെ ഡി-യുവും
Jun 8, 2024, 16:52 IST
![മോദി](https://timeskerala.com/static/c1e/client/91214/uploaded/29aeafde9298dcf22708389b0a2001e4.jpg)
ന്യൂഡൽഹി: ഞായറാഴ്ച മൂന്നാം നരേന്ദ്ര മോദി സർക്കാരിന്റെ സത്യപ്രതിജ്ഞ നടക്കാനിരിക്കുന്ന സാഹചര്യത്തിൽ മന്ത്രിസഭാ രൂപീകരണ ചർച്ചകൾ ഊർജ്ജിതമാവുകയാണ് രാജ്യതലസ്ഥാനത്ത്. മന്ത്രിമാരുടെ കാര്യത്തിൽ ഇന്നു നടക്കുന്ന സുപ്രധാനയോഗത്തിൽ അന്തിമ തീരുമാനമായേക്കും. സൂചനകൾ സഖ്യകക്ഷികളുമായി മന്ത്രിസ്ഥാനം സംബന്ധിച്ചു ധാരണയിൽ എത്തിയിട്ടില്ലെന്നാണ്. ഇന്നോ ഞായറാഴ്ച രാവിലെയോ എൻ ഡി എ മന്ത്രിമാരുടെ പട്ടിക പുറത്തുവിടുമെന്നാണ് ബി ജെ പി വൃത്തങ്ങൾ അറിയിച്ചിട്ടുള്ളത്. സ്പീക്കർ സ്ഥാനം സംബന്ധിച്ച് ഇതുവരെ തീരുമാനമായിട്ടില്ല.