സൂദു കവ്വും 2 : മോഷൻ പോസ്റ്റർ പുറത്തിറങ്ങി

എസ്‌ജെ അർജുൻ സംവിധാനം ചെയ്യുന്ന നാടും നാട്ടു മക്കളും എന്ന ടാഗ്‌ലൈനോടെ ‘സൂദു കവ്വും 2’ എന്ന ചിത്രത്തിന്റെ മോഷൻ പോസ്റ്റർ സംവിധായകൻ വെങ്കട്ട് പ്രഭു, രാംകുമാർ, ആർജെ ബാലാജി, സംഗീതസംവിധായകൻ ജിവി പ്രകാശ് കുമാർ എന്നിവർ ചേർന്ന് പുറത്തിറക്കി. മിർച്ചി ശിവ നായകനായ ചിത്രം രണ്ടാഴ്ച മുമ്പ്ആരംഭിച്ചു .   രമേഷ് തിലക്, കരുണാകരൻ, രാധാ രവി, യോഗ് ജാപ്പി തുടങ്ങി ആദ്യ ചിത്രത്തിലെ അഭിനേതാക്കൾ ഈ പദ്ധതിയുടെ ഭാഗമാകും.

‘സൂദു കവ്വും 2’ ഒരു ശരിയായ തുടർച്ചയായിരിക്കുമെന്നും ഒരു ഒറ്റപ്പെട്ട ചിത്രമല്ലെന്നും സിവി കുമാർ നേരത്തെ വെളിപ്പെടുത്തിയിരുന്നു. ആദ്യ ഭാഗത്തെ ബന്ധിപ്പിക്കുന്ന ധാരാളം ഘടകങ്ങൾ ഉണ്ടാകും. എഡ്വിൻ ലൂയിസ് സംഗീതസംവിധാനം നിർവ്വഹിച്ചിരിക്കുന്ന ചിത്രത്തിന്റെ ഛായാഗ്രഹണവും എഡിറ്റിംഗും യഥാക്രമം കാർത്തിക് കെ തില്ലയും ഇഗ്നേഷ്യസ് അശ്വിനും നിർവഹിക്കുന്നു.