ലോറിയും ബസും കൂട്ടിയിടിച്ച് ആന്ധ്രയിൽ ആറ് പേര്‍ വെന്തുമരിച്ചു
May 15, 2024, 11:44 IST
അമരാവതി: ബസും ലോറിയും കൂട്ടിയിടിച്ച് ആന്ധ്രാപ്രദേശ് പല്‍നാട് ജില്ലയില്‍ ആറ് പേര്‍ വെന്തുമരിച്ചു. സംഭവത്തിൽ 20 പേര്‍ക്ക് പരിക്കേറ്റു. ജീവൻ നഷ്ടമായത് ഉപ്പുഗുണ്ടൂര്‍ കാശി ബ്രഹ്മേശ്വര റാവു (62), ലക്ഷ്മി (58), ശ്രീസായി (9), ബസ് ഡ്രൈവര്‍ ആന്‍ജി(35), ടിപ്പര്‍ ഡ്രൈവര്‍ മധ്യപ്രദേശ് സ്വദേശി ഹരി സിംഗ് എന്നിവർക്കാണ്. ഒരാളെ തിരിച്ചറിയാനായിട്ടില്ല. ബുധനാഴ്ച പുലര്‍ച്ചെ ഒന്നിനു നടന്ന സംഭവത്തിൽ അപകടത്തിൽപ്പെട്ടത് തെരഞ്ഞെടുപ്പില്‍ വോട്ട് ചെയ്തശേഷം മടങ്ങിയവര്‍ സഞ്ചരിച്ച സ്വകാര്യബസാണ്. ബസിൽ ഉണ്ടായിരുന്നത് 12 യാത്രക്കാരാണ്.