ലോക്സഭയില് രാമക്ഷേത്ര ചർച്ച; സഭ ബഹിഷ്കരിച്ച് മുസ്ലിം ലീഗ് എം.പിമാർ
Feb 10, 2024, 13:35 IST
![ലോക്സഭയില് രാമക്ഷേത്ര ചർച്ച; സഭ ബഹിഷ്കരിച്ച് മുസ്ലിം ലീഗ് എം.പിമാർ](https://timeskerala.com/static/c1e/client/91214/uploaded/6751598b576229701dee31808557ea56.webp)
ഡൽഹി: അയോധ്യയിലെ രാമക്ഷേത്രം രാഷ്ട്രീയവൽക്കരിക്കുന്നതിനെതിരെ പ്രതിഷേധിച്ച് മുസ്ലിം ലീഗ് എം.പിമാർ. രാമക്ഷേത്ര നിർമാണവുമായി ബന്ധപ്പെട്ട ലോക്സഭയിലെ ചർച്ച എം.പിമാർ ബഹിഷ്ക്കരിച്ചു. ലീഗ് എം.പിമാരായ ഇ.ടി മുഹമ്മദ് ബഷീർ, എം.പി അബ്ദുസ്സമദ് സമദാനി, നവാസ് ഗനി എന്നിവരാണു പ്രതിഷേധവുമായി രംഗത്തുവന്നത്.
![](https://timeskerala.com/static/c1e/static/themes/16/91214/3752/images/New-Creative-.png)
അയോധ്യ ലോക്സഭയിൽ ചർച്ച ചെയ്യാൻ തീരുമാനിച്ചതിൽ ദുരൂഹതയുണ്ടെന്ന് ഇ.ടി മുഹമ്മദ് ബഷീർ എം.പി ആരോപിച്ചു. കഴിഞ്ഞ ദിവസം രാത്രിയാണ് ചർച്ചയെക്കുറിച്ച് എം.പിമാരെ വിവരമറിയിച്ചത്. ഇതിനെതിരെ ഇൻഡ്യാ മുന്നണിയിലെ കക്ഷികൾ ആഞ്ഞടിച്ചു മുന്നോട്ടുവരേണ്ടതായിരുന്നുവെന്നും അദ്ദേഹം വ്യക്തമാക്കി.