ഛത്തീസ്ഗഡിൽ ഒൻപത് മാവോയിസ്റ്റുകൾ പിടിയിൽ
Jun 10, 2024, 06:07 IST
ബിജാപൂർ: ഛത്തീസ്ഗഡിലെ ബിജാപൂർ ജില്ലയിലെ വിവിധ സ്ഥലങ്ങളിൽ നിന്ന് ഒൻപത് മാവോയിസ്റ്റുകളെ ഞായറാഴ്ച അറസ്റ്റ് ചെയ്തതായി പോലീസ് അറിയിച്ചു. സോന കുഞ്ഞം (40), ആണ്ട കടത്തി (30), മാങ്കു മഡ്കം (24), സന്തോഷ് കാട്ടി (25), സോന മുചകി (22), ഹദ്മ കാഡി (27), സുരേഷ് മഡ്കം (28), ദേവേന്ദ്ര മുചകി (25) എന്നിവരാണ് ഉസൂരിൽ നിന്ന് പിടിയിലായത്. ജില്ലാ റിസർവ് ഗാർഡ് (ഡിആർജി) നെയിംഡ് മേഖവലയിൽ നിന്നും പിടികൂടിയ അവ്‌ലം ആയിതു (49) പ്രദേശത്തെ പോലീസ് ഉദ്യോഗസ്ഥരെ ആക്രമിച്ച സംഭവത്തിലെ പ്രതിയാണ്. സെൻട്രൽ റിസർവ് പോലീസ് ഫോഴ്‌സിന്‍റെ (സിആർപിഎഫ്) 196-ാം ബറ്റാലിയൻ, കമാൻഡോ ബറ്റാലിയൻ ഫോർ റെസൊല്യൂട്ട് ആക്ഷൻ (കോബ്രാ- സിആർപിഎഫിന്‍റെ എലൈറ്റ് യൂണിറ്റ്) 205-ാം ബറ്റാലിയൻ, ലോക്കൽ പോലീസ് എന്നിവർ ചേർന്നാണ് മാവോയിസ്റ്റുകളെ പിടികൂടിയത്.