Follow on Google News
ഭോപ്പാൽ : മധ്യപ്രദേശിലെ ഖജുരാഹോയിൽ വളർത്തുനായയെ തുരത്താനുള്ള ശ്രമത്തിനിടെ യുവാവ് വൈദ്യുതാഘാതമേറ്റ് മരിച്ചു (Khajuraho Electrocution Death News). സംഭവത്തിന്റെ ഭയാനകമായ വീഡിയോ ദൃശ്യങ്ങൾ സോഷ്യൽ മീഡിയയിൽ പ്രചരിക്കുന്നുണ്ട്.വീടിന് സമീപം നായയെ ഓടിക്കാൻ ശ്രമിക്കുന്നതിനിടെയാണ് അപകടം നടന്നത്. യുവാവിന്റെ കയ്യിലുണ്ടായിരുന്ന ഇരുമ്പ് വടി അബദ്ധത്തിൽ ഹൈ വോൾട്ടേജ് വൈദ്യുതി ലൈനിൽ തട്ടുകയായിരുന്നു.
വടി വൈദ്യുതി ലൈനിൽ തട്ടിയ നിമിഷം തന്നെ യുവാവിന്റെ ശരീരത്തിലൂടെ ശക്തമായ മിന്നൽപ്പിണർ കടന്നുപോവുകയും ഇയാൾ നിലത്തു വീഴുകയും ചെയ്തു. ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സമീപത്തെ സിസിടിവി ക്യാമറയിൽ പതിഞ്ഞ ദൃശ്യങ്ങളിൽ യുവാവ് വടിയുമായി നായയെ പിന്തുടരുന്നതും പെട്ടെന്ന് ഷോക്കേറ്റ് വീഴുന്നതും വ്യക്തമാണ്. ഇത് പ്രദേശവാസികളെയും ബന്ധുക്കളെയും ഒരുപോലെ നടുക്കിയിരിക്കുകയാണ്.
താഴ്ന്ന നിലയിലുള്ള വൈദ്യുതി ലൈനുകളെക്കുറിച്ച് വേണ്ടത്ര ശ്രദ്ധിക്കാത്തതാണ് അപകടത്തിന് കാരണമായതെന്ന് കരുതപ്പെടുന്നു. ഇത്തരം അപകടങ്ങൾ ഒഴിവാക്കാൻ വൈദ്യുതി ലൈനുകൾക്ക് സമീപം ഇരുമ്പ് വസ്തുക്കൾ ഉപയോഗിക്കുമ്പോൾ അതീവ ജാഗ്രത പാലിക്കണമെന്ന് അധികൃതർ മുന്നറിയിപ്പ് നൽകി.
പോലീസ് സ്ഥലത്തെത്തി അന്വേഷണം ആരംഭിച്ചു. അസ്വാഭാവിക മരണത്തിന് കേസെടുത്ത് മൃതദേഹം പോസ്റ്റ്മോർട്ടത്തിനായി അയച്ചു.
#WATCH | Youth Di*s After Getting Electrocuted While Trying To Chase Dog Away With An Iron Rod At A Resort Near Khajuraho Railway Station In #Chhatarpur#MadhyaPradesh #MPNews #IndiaNews pic.twitter.com/AIlfXS7wsk
— Free Press Madhya Pradesh (@FreePressMP) April 15, 2026
