മെദക്: തെലങ്കാനയിലെ മെദക് ജില്ലയിൽ മിശ്രവിവാഹം കഴിച്ചതിന് പിന്നാലെ യുവതിയെ ബന്ധുക്കൾ തട്ടിക്കൊണ്ടുപോയതായി പരാതി. വിവാഹം കഴിഞ്ഞ് രണ്ട് ദിവസത്തിന് ശേഷമാണ് സംഭവം (Inter-Caste Marriage Abduction). പാപന്നപേട്ട് മണ്ഡലത്തിലെ എല്ലപ്പൂർ ഗ്രാമത്തിലെ പ്രണയി എന്ന യുവാവിനെയാണ് യുവതി വിവാഹം കഴിച്ചത്. പെൺകുട്ടിയുടെ കുടുംബത്തിന്റെ എതിർപ്പിനെത്തുടർന്ന് ഇരുവരും നേരത്തെ പോലീസ് സ്റ്റേഷനിൽ സമീപിക്കുകയും അവിടെ നിന്ന് വിവാഹശേഷം ഒരുമിച്ച് താമസിക്കാൻ അനുമതി വാങ്ങുകയും ചെയ്തിരുന്നു.
കഴിഞ്ഞ ജൂലൈ 6-നാണ് ഇരുവരും വിവാഹിതരായത്. തുടർന്ന് പെൺകുട്ടിയുടെ കുടുംബം വധൂവരന്മാരുടെ വീട്ടിലെത്തി ബഹളമുണ്ടാക്കിയിരുന്നു. രണ്ട് ദിവസത്തിന് ശേഷം നാല് കാറുകളിലായെത്തിയ ഒരു സംഘം ആളുകൾ പ്രണയുടെ വീട്ടിലെത്തുകയും, അവിടെയുണ്ടായിരുന്ന പ്രണയുടെ അമ്മ ശ്യാമളയെ തള്ളിമാറ്റി യുവതിയെ ബലമായി പിടിച്ചുകൊണ്ടുപോവുകയുമായിരുന്നു. സംഭവത്തിന്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്.
യുവതിയെ തട്ടിക്കൊണ്ടുപോയ സംഭവത്തിൽ പ്രണയുടെ കുടുംബം പാപന്നപേട്ട് പോലീസിൽ പരാതി നൽകി. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്. യുവതിയെ കണ്ടെത്തി അവരുടെ മൊഴിയെടുക്കാനാണ് പോലീസ് ശ്രമിക്കുന്നത്. യുവതിയെ അവരുടെ സമ്മതമില്ലാതെയാണ് കൊണ്ടുപോയതെന്ന് തെളിഞ്ഞാൽ കർശനമായ നിയമനടപടികൾ സ്വീകരിക്കുമെന്ന് പോലീസ് മുന്നറിയിപ്പ് നൽകി.
Summary: A newlywed woman was allegedly abducted by her relatives from her husband’s home in Papannapet, Telangana, just two days after their inter-caste marriage. Despite the couple having previously sought police protection, the bride’s family forcibly took her away in multiple vehicles. The incident, captured on CCTV, has led to a police investigation, with authorities promising legal action if the abduction is confirmed as non-consensual.
