ബി.ജെ.പിയില് ചേര്ന്നില്ലെങ്കില് ഇ.ഡി. അറസ്റ്റ് ചെയ്യുമെന്ന് ഭീഷണിപ്പെടുത്തിയതായി അതിഷി മര്ലേന
Apr 2, 2024, 15:04 IST
![അതിഷി](https://timeskerala.com/static/c1e/client/91214/uploaded/e433ba5747da9d59ed1f912e4fc9c4af.jpg)
ന്യൂഡല്ഹി: ഡല്ഹി മന്ത്രിയും എ.എ.പി. നേതാവുമായ അതിഷി മര്ലേന ബി.ജെ.പിക്കെതിരായി ഗുരുതര ആരോപണവുമായി രംഗത്ത്. ബി.ജെ.പിയില് ചേര്ന്നില്ലെങ്കില് ഇ.ഡി. അറസ്റ്റ് ചെയ്യുമെന്ന് ഭീഷണിപ്പെടുത്തിയതായാണ് അതിഷിയുടെ ആരോപണം. ബി.ജെ.പിയുടെ ഈ നീക്കം അടുത്ത സുഹൃത്ത് വഴിയായിരുന്നുവെന്നും ഉടൻ തന്നെ ഇ.ഡി. റെയ്ഡ് തന്റെ വീട്ടിലും നടന്നേക്കുമെന്നും അതിഷി പറഞ്ഞു. തന്നെയും ഒരു മാസത്തിനുള്ളിൽ അറസ്റ്റു ചെയ്യുമെന്നും ബി.ജെ.പിയില് ചേര്ന്നാല് ഇതിൽ നിന്ന് ഒഴിവാക്കാമെന്നും വാഗ്ദാനമുണ്ടായെന്നും അതിഷി കൂട്ടിച്ചേർത്തു.