കേന്ദ്ര സഹമന്ത്രിയായി ചുമതലയേറ്റ് ജോര്‍ജ് കുര്യൻ
Jun 11, 2024, 15:37 IST
ന്യൂഡല്‍ഹി: മൂന്നാം മോദി സര്‍ക്കാരില്‍ മലയാളിയായ ജോര്‍ജ് കുര്യനും കേന്ദ്ര സഹമന്ത്രിയായി ചുമതലയേറ്റു. സുരേഷ് ഗോപിക്ക് പിന്നാലെ അദ്ദേഹം ചുമതലയേറ്റത് ഡല്‍ഹിയിലുള്ള കൃഷി ഭവനില്‍ എത്തിയാണ്. ജോർജ് കുര്യനു ലഭിച്ചത് ന്യൂനപക്ഷകാര്യം, ഫിഷറീസ്, മൃഗസംരക്ഷണം, ക്ഷീരവികസനം എന്നീ വകുപ്പുകളാണ്. അദ്ദേഹത്തിനൊപ്പം കേരളത്തിലെ ബി ജെ പി നേതാക്കളുമുണ്ടായിരുന്നു. ഇതോടെ മോദി മന്ത്രിസഭയില്‍ മലയാളികൾ രണ്ടായി. കോട്ടയം കാണക്കാരി നമ്പ്യാകുളത്തുകാരനാണ് ജോര്‍ജ് കുര്യന്‍. ഇദ്ദേഹം ബി ജെ പിയിൽ 40 വര്‍ഷമായി പ്രവർത്തിക്കുകയാണ്.