ഡല്ഹിയില് ഭക്ഷ്യസംസ്കരണ യൂണിറ്റില് തീപിടിത്തം; മൂന്നുപേര്ക്ക് ദാരുണാന്ത്യം
ന്യൂഡല്ഹി: ഡൽഹിയിലെ നരേല വ്യവസായ മേഖലയിലെ ഭക്ഷ്യ സംസ്കരണ യൂണിറ്റിലുണ്ടായ തീപിടിത്തത്തില് മൂന്ന് തൊഴിലാളികള്ക്ക് ദാരുണാന്ത്യം. ആറ് തൊഴിലാളികൾക്ക് പരിക്ക്. ശ്യാം (24), രാം സിംഗ് (30), ബീര്പാല് (42) എന്നിവരാണ് മരിച്ചത്. പുഷ്പേന്ദര് (26), ആകാശ് (19), മോഹിത് കുമാര് (21), മോനു (25), ലാലു (32), രവി കുമാര് (19) എന്നിവര്ക്കാണ് തീപിടുത്തത്തിൽ പരിക്കേറ്റത്. ഇവരെ സഫ്ദര്ജംഗ് ആശുപത്രിയില് പ്രവേശിപ്പിച്ചു.
ശനിയാഴ്ച പുലര്ച്ചെ 3.35നാണ് അപകടം നടന്നത്.രോഹിണി സ്വദേശികളായ അങ്കിത് ഗുപ്തയുടെയും വിനയ് ഗുപ്തയുടെയും ഉടമസ്ഥതയിലുള്ള ശയം കൃപ ഫുഡ്സ് പ്രൈവറ്റ് ലിമിറ്റഡ് എന്ന സ്ഥാപനത്തിലാണ് അപകടമുണ്ടായത്.