എക്സിറ്റിലൂടെ പ്രവേശിച്ചു; യുവാവിനെ ആക്രമിച്ച് സ്ഥലവാസി: വിഡിയോ

എക്സിറ്റിലൂടെ പ്രവേശിച്ച യുവാവിനെ സഹോദരിയെയും ആക്രമിച്ച് സ്ഥലവാസി. ബെംഗളൂരുവിലാണ് സംഭവം നടന്നത്. പുറത്തേക്ക് പോവേണ്ട ഗേറ്റിലൂടെ അകത്തേക്ക് പ്രവേശിച്ച തന്നെ സ്ഥലവാസി ആക്രമിച്ചെന്ന് കാട്ടി സഞ്ചിത് കുമാർ എന്നയാൾ ട്വിറ്ററിൽ വിഡിയോ പങ്കുവച്ചു. സുഭാഷ് അല്മേൽ എന്നയാൾ തന്നെ ആക്രമിച്ചു എന്ന് സഞ്ചിത് കുമാർ പറയുന്നു.  ഇയാളുടെ തലയിൽ നിന്ന് രക്തമൊഴുകുന്നതും വിഡിയോയിൽ കാണാം.

മെയ് 16ന് രാത്രി 9 മണിയോടെയാണ് സംഭവമുണ്ടായത്. സഞ്ചിതും സഹോദരിയും സ്കൂട്ടിയിൽ വീട്ടിലേക്ക് വരികയായിരുന്നു. പുറത്തേക്ക് പോകാൻ ഒരു ഗേറ്റും അകത്തേക്കുവരാൻ മറ്റൊരു ഗെയിറ്റുമാണ് ഉള്ളത്. സംഭവ ദിവസം അകത്തേക്ക് പ്രവേശിക്കുന്ന റോഡ് പൊളിഞ്ഞുകിടക്കുകയായിരുന്നു. സ്കൂട്ടി മറിയാൻ സാധ്യതയുണ്ടെന്ന് തോന്നിയതിനാൽ പുറത്തേക്കിറങ്ങാനുള്ള വഴിയിലൂടെ ഇവർ അകത്തുകയറി.

ഇവർ തെറ്റായ വഴിയിലൂടെ അകത്തുകയറുന്നത് കണ്ട സുഭാഷ് ഇവരോട് ദേഷ്യപ്പെടുകയും തുടർന്ന് നിർബന്ധപൂർവം ഇവരോട് മറ്റേ ഗേറ്റിലൂടെ വരാൻ നിർബന്ധിക്കുകയും ചെയ്തു. സഞ്ചിത് വാഹനം തിരിച്ചപ്പോഴേക്കും ഇയാൾ സ്കൂട്ടിയുടെ ഹാൻഡിലിൽ പിടിച്ച് തള്ളിയതോടെ സ്കൂട്ടിയും സഞ്ചിതും നിലത്തുവീണു. തുടർന്ന് ഇയാൾ സഞ്ചിതിൻ്റെ മുഖത്തിടിക്കുകയായിരുന്നു.  ഇതോടെ സഞ്ചിതിൻ്റെ മുഖത്തുനിന്ന് രക്തം വരാൻ തുടങ്ങി. പരുക്കേറ്റ ഇയാളെ ആശുപത്രിയിലെത്തിച്ചു. പുരികത്തിനു മുകളിൽ പരുക്കേറ്റ തനിക്ക് സർജറി ചെയ്തു എന്നും സഞ്ചിത് പറഞ്ഞു.

This is me in the video getting assaulted by an unknown man in Bangalore while my sister is still screaming in shock, unable to understand what just happened in matter of seconds. All of this took place inside my society (1/10) pic.twitter.com/z6e1SokemQ

— Sanchit Kumar (@krsanchit16) May 21, 2023