ഭക്ഷണശേഷം ഒരു ചായയോ കാപ്പിയോ ആണോ കുടിക്കുന്നത്?; എന്നാൽ ആ പതിവ് നല്ലതല്ലെന്ന് ഐ.സി.എം.ആർ

എന്നാൽ, ചായയും കാപ്പിയും അമിതമായി കഴിച്ചാലുണ്ടാകുന്ന ആരോഗ്യ പ്രത്യാഘാതങ്ങളെ കുറിച്ച് മുന്നറിയിപ്പ് തരുകയാണ് ഇന്ത്യൻ കൗൺസിൽ ഓഫ് മെഡിക്കൽ റിസർച്ച് (ഐ.സി.ഐം.ആർ). ആ​രോ​ഗ്യ​ക​ര​മാ​യ ജീ​വി​ത​ശൈ​ലി പി​ന്തു​ട​രു​ന്ന​തി​നായി പു​തി​യ ഭ​ക്ഷ​ണ​ക്ര​മ മാ​ർ​ഗ​നി​ർ​ദേ​ശ​ങ്ങ​ൾ ഐ​.സി​.എം.​ആ​ർ ഈയിടെ പു​റ​ത്തു​വി​ട്ടിരുന്നു. അതിലാണ് ചായയും കാപ്പിയും അമിതമാകരുതെന്ന നിർദേശം നൽകിയിരിക്കുന്നത്.

ചായയിലും കാപ്പിയിലും കാണപ്പെടുന്ന ഘടകമായ കഫീൻ ആണ് പലപ്പോഴും വില്ലനാകുന്നത്. കഫീന് കേന്ദ്ര നാഡീവ്യവസ്ഥയെ ഉത്തേജിപ്പിക്കാനും അത് വഴി ഉന്മേഷം നൽകാനുമുള്ള കഴിവുണ്ട്. എന്നാൽ, ഉന്മേഷം ലഭിക്കാൻ എപ്പോഴും ചായയോ കാപ്പിയോ കുടിക്കുന്നത് ഇവയ്ക്ക് അടിമയാകുന്ന വിപരീത സാഹചര്യമാണുണ്ടാക്കുക.