ബെംഗളൂരു: കർണാടകയിലെ മന്ത്രിസഭാ വികസനത്തിന് പിന്നാലെ മന്ത്രിസ്ഥാനം ലഭിക്കാത്തതിൽ പ്രതിഷേധിച്ച് രാജി ഭീഷണി മുഴക്കുന്ന കോൺഗ്രസ് എം.എൽ.എമാർക്ക് കടുത്ത മുന്നറിയിപ്പുമായി മുഖ്യമന്ത്രി ഡി.കെ. ശിവകുമാർ. പാർട്ടി നൽകുന്ന സ്ഥാനങ്ങൾക്കായി ക്ഷമയോടെ കാത്തിരിക്കണമെന്നും, ആരെങ്കിലും രാജി നൽകിയാൽ മിനിറ്റുകൾക്കുള്ളിൽ അത് സ്വീകരിക്കുമെന്നും അദ്ദേഹം തുറന്നടിച്ചു.(DK Shivakumar Warns Disgruntled Congress MLAs Over Cabinet Expansion Resignations)
“രാഷ്ട്രീയത്തിൽ രാജി സമർപ്പണങ്ങൾ സാധാരണമാണ്, രാജിവെക്കാൻ തീരുമാനിച്ചവരെ ആർക്കും തടയാനാവില്ല. ഭാവി നോക്കുന്നവർക്ക് പാർട്ടിയാണ് പ്രധാനം. പാർട്ടി ഉണ്ടെങ്കിലേ മറ്റെന്തും ഉള്ളൂ,” എന്ന് മാധ്യമപ്രവർത്തകരോട് സംസാരിക്കവെ മുഖ്യമന്ത്രി വ്യക്തമാക്കി. തനിക്ക് മുൻപ് മന്ത്രിസ്ഥാനം ലഭിക്കാതിരുന്നപ്പോഴും, ഉപമുഖ്യമന്ത്രി ജി. പരമേശ്വര അടക്കമുള്ള നേതാക്കളും വർഷങ്ങളോളം ക്ഷമയോടെ കാത്തിരുന്ന കാര്യം അദ്ദേഹം അനുസ്മരിച്ചു.
മന്ത്രിസഭാ വികാസത്തിന് ശേഷമുള്ള അസ്വാരസ്യങ്ങൾ പരിഹരിക്കുന്നതിന്റെ ഭാഗമായി സംസ്ഥാനത്തെ ബോർഡ്, കോർപ്പറേഷൻ പദവികൾ ഉടൻ പുനഃസംഘടിപ്പിക്കുമെന്ന് ഡി.കെ. ശിവകുമാർ അറിയിച്ചു. നിലവിൽ ഇത്തരം സ്ഥാനങ്ങളിൽ തുടരുന്നവരോട് രാജി ആവശ്യപ്പെടുമെന്നും, ഒഴിവുകളിലേക്ക് അർഹരായ എം.എൽ.എമാരെയും പാർട്ടി പ്രവർത്തകരെയും നിയമിക്കുമെന്നും അദ്ദേഹം വ്യക്തമാക്കി.
Story Summary
Karnataka Chief Minister DK Shivakumar issued a stern warning to disgruntled Congress MLAs threatening to resign over being excluded from the cabinet expansion. He stated that party loyalty comes first and any resignation submitted will be accepted within minutes.
