ഇന്ത്യാ സഖ്യം ശക്തമായി നിലനിൽക്കേണ്ടത് അനിവാര്യമാണെന്ന് കോൺഗ്രസ് അധ്യക്ഷൻ മല്ലികാര്‍ജുന്‍ ഖാര്‍ഗ
Jun 8, 2024, 15:41 IST
ന്യൂഡല്‍ഹി: ഇന്ത്യാ സഖ്യം അധികാരം ഉണ്ടെങ്കിലും ഇല്ലെങ്കിലും ശക്തമായി നിലനിൽക്കേണ്ടത് അനിവാര്യമാണെന്ന് പറഞ്ഞ് കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെ. സഖ്യകക്ഷികൾ ലോക്‌സഭാ തെരഞ്ഞെടുപ്പില്‍ മികച്ച വിജയം നേടാനായതില്‍ പ്രധാന പങ്കുവഹിച്ചെന്ന് പറഞ്ഞ ഖാര്‍ഗെ അവരുടെ പിന്തുണ ഒരിക്കലും വിസ്മരിക്കാനാകില്ലെന്നും കൂട്ടിച്ചേർക്കുകയുണ്ടായി. സഖ്യത്തിന്‍റെ കൂട്ടായ പ്രവര്‍ത്തനം പാര്‍ലമെന്‍റിനകത്തും പുറത്തും തുടരണമെന്ന് ആഹ്വാനം ചെയ്ത കോൺഗ്രസ് അധ്യക്ഷൻ ഇന്ത്യാ സഖ്യം തെരഞ്ഞെടുപ്പ് പ്രചരണസമയത്ത് ഉന്നയിച്ചതെല്ലാം ജനങ്ങളെ ബാധിക്കുന്ന പ്രശ്‌നങ്ങളാണെന്നും തുടര്‍ന്നും സഖ്യം ജനങ്ങള്‍ക്ക് വേണ്ടി പ്രവര്‍ത്തിക്കേണ്ടത് ആവശ്യമാണെന്നും കൂട്ടിച്ചേർക്കുകയുണ്ടായി.