സിനിമാ ടിക്കറ്റ് നിരക്ക് സംബന്ധിച്ച വിവാദവുമായി ബന്ധപ്പെട്ട് ചിരഞ്ജീവി ആന്ധ്ര മുഖ്യമന്ത്രിയെ കണ്ടു
 

സിനിമാ ടിക്കറ്റ് നിരക്കിനെച്ചൊല്ലി ആന്ധ്രാപ്രദേശ് സർക്കാരും ടോളിവുഡും തമ്മിലുള്ള തർക്കം രൂക്ഷമാകുന്നതിനിടെ മെഗാസ്റ്റാർ ചിരഞ്ജീവി മുഖ്യമന്ത്രി വൈ.എസ്. ജഗൻ മോഹൻ റെഡ്ഡിയുമായി കൂടിക്കാഴ്ച നടത്തി.  മുഖ്യമന്ത്രിയുടെ ക്ഷണപ്രകാരം, ചിരഞ്ജീവി അദ്ദേഹവുമായി താഡപള്ളിയിലെ ഔദ്യോഗിക വസതിയിൽ ഉച്ചഭക്ഷണം കഴിച്ചു.ഹൈദരാബാദിൽ നിന്ന് പ്രത്യേക വിമാനത്തിൽ ഗന്നവാരം വിമാനത്താവളത്തിലെത്തിയ ശേഷം ജനപ്രിയ നടൻ  നേരെ മുഖ്യമന്ത്രിയുടെ വീട്ടിലേക്ക് പോയി.

ഒന്നര മണിക്കൂർ നീണ്ട കൂടിക്കാഴ്ചയ്ക്ക് ശേഷം, സിനിമാ വ്യവസായത്തിനും പ്രദർശകർക്കും തിയേറ്റർ ഉടമകൾക്കും വേണ്ടി താൻ ഉന്നയിച്ച പ്രശ്നങ്ങളോട് റെഡ്ഡി ക്രിയാത്മകമായി പ്രതികരിച്ചതായി നടൻ വിമാനത്താവളത്തിൽ മാധ്യമപ്രവർത്തകരോട് പറഞ്ഞു. എല്ലാ പ്രശ്‌നങ്ങളും എല്ലാവർക്കും സ്വീകാര്യമായ രീതിയിൽ ഉടൻ പരിഹരിക്കപ്പെടുമെന്ന് ചിരഞ്ജീവി പറഞ്ഞു.