ചന്ദ്രബാബു നായിഡുവിനെ നേതാവായി ഐകകണ്ഠേന തിരഞ്ഞെടുത്തു: മുഖ്യമന്ത്രിയായി സത്യപ്രതിജ്ഞ ബുധനാഴ്ച
Jun 11, 2024, 13:48 IST
![നായിഡു](https://timeskerala.com/static/c1e/client/91214/uploaded/cb8a66088a0a835405bb2d00e3818641.jpg)
അമരാവതി: ചന്ദ്രബാബു നായിഡുവിനെ നേതാവായി ഐകകണ്ഠേന തിരഞ്ഞെടുത്തു. ദേശീയ ജനാധിപത്യ സഖ്യത്തിന്റെ നേതാവായും ആന്ധ്രാപ്രദേശിലെ മുഖ്യമന്ത്രി സ്ഥാനാര്ഥിയായും തെലുങ്ക് ദേശം പാര്ട്ടി അധ്യക്ഷന് എന്. ചന്ദ്രബാബു നായിഡുവിനെ ഐകകണ്ഠേന തെരഞ്ഞെടുത്തത് ചൊവ്വാഴ്ചയാണ്. തീരുമാനമുണ്ടായത് ടി ഡി പി, ജനസേന പാര്ട്ടി, ഭാരതീയ ജനതാ പാര്ട്ടി എന്നീ ത്രികക്ഷി സഖ്യത്തിന്റെ പുതുതായി തെരഞ്ഞെടുക്കപ്പെട്ട എം എല് എമാരുടെ യോഗത്തിലാണ്. വിജയവാഡയിലായിരുന്നു യോഗം. നായിഡുവിന്റെ പേര് നിര്ദേശിച്ചത് ജനസേനാ പാര്ട്ടി നേതാവും പിതപുരം എം എല് എയുമായ കെ. പവന് കല്യാണ് ആണ്. ബി ജെ പിയെ പ്രതിനിധീകരിച്ച് യോഗത്തില് പങ്കെടുത്തത് സംസ്ഥാന പ്രസിഡന്റ് ദഗ്ഗുബതി പുരന്ദേശ്വരിയാണ്. ഉച്ചകഴിഞ്ഞ് രാജ്ഭവനില് ഗവര്ണര് എസ്. അബ്ദുള് നസീറിനെ കാണുന്ന എന് ഡി എ സംസ്ഥാന നേതാക്കള് തീരുമാനം വ്യക്തമാക്കുന്ന കത്ത് കൈമാറും.