തമിഴ്‌നാട്ടില്‍ കാണാതായ മൂന്ന് കുട്ടികളുടെ മൃതദേഹം കിണറ്റില്‍ കണ്ടെത്തി
May 14, 2024, 12:11 IST
ചെന്നൈ: തമിഴ്‌നാട്ടില്‍ കാണാതായ മൂന്ന് കുട്ടികളെ കിണറ്റില്‍ മരിച്ച നിലയിൽ കണ്ടെത്തി. കണ്ടെത്തിയത് അശ്വിന്‍(12), മാരിമുത്തു(13), വിഷ്ണു(13) എന്നിവരുടെ മൃതദേഹങ്ങളാണ്. മൃതദേഹങ്ങൾ കണ്ടെത്താനായത് മണിക്കൂറുകള്‍ നീണ്ട തിരച്ചിലിനൊടുവിലാണ്. തിങ്കളാഴ്ച വൈകുന്നേരത്തോടെയാണ് കളിക്കാന്‍ ഇറങ്ങിയ കുട്ടികളെ കാണാതാകുന്നത്. തുടന്നാണ് പോലീസിൽ ബന്ധുക്കൾ പരാതി നൽകുന്നത്. കുട്ടികളുടെ ചെരിപ്പുകള്‍ കിണറിനരികിൽ നിന്ന് നാട്ടുകാര്‍ നടത്തിയ തിരച്ചിലില്‍ കണ്ടെത്തിയിരുന്നു. ശേഷം, അഗ്നിരക്ഷാ സേന എത്തുകയും കിണറിലിറങ്ങി പരിശോധന നടത്തുകയും മൃതദേഹങ്ങൾ കണ്ടെത്തുകയുമായിരുന്നു.