ബിജെപി ഓഫിസ് ഉദ്ഘാടനമല്ല, പാര്‍ലമെന്റ് ഉദ്ഘാടനമാണ്; ജെഡിഎസ് ചടങ്ങിൽ പങ്കെടുക്കും: എച്ച് ഡി ദേവഗൗഡ

ബം​ഗ​ളൂ​രു: പു​തി​യ പാ​ര്‍​ല​മെ​ന്‍റ് മ​ന്ദി​ര​ത്തി​ന്‍റെ ഉ​ദ്ഘാ​ട​ന​ത്തി​ല്‍ പ​ങ്കെ​ടു​ക്കു​മെ​ന്ന് ജെ​ഡി​എ​സ് അ​ധ്യ​ക്ഷ​ൻ എ​ച്ച്.​ഡി. ദേ​വ​ഗൗ​ഡ. രാ​ജ്യ​ത്തി​ന്‍റെ സ​മ്പ​ത്താ​യ മ​ന്ദി​ര​ത്തി​ന്‍റെ ഉ​ദ്ഘാ​ട​ന​ത്തി​നാ​ണ് താ​ന്‍ പോ​കു​ന്ന​തെ​ന്നും ഇ​തി​ല്‍ വ്യ​ക്തി​താ​ത്പ​ര്യം ഇ​ല്ല​ന്നും ദേ​വ​ഗൗ​ഡ പ​റ​ഞ്ഞു.

ഉദ്ഘാടന ചടങ്ങില്‍ പങ്കെടുക്കതാതിരിക്കാന്‍ ഇത് ബിജെപിയുടേയോ ആര്‍എസ്എസിന്റേയോ ഓഫിസ് ഉദ്ഘാടനം അല്ലല്ലോ എന്നും ദേവഗൗഡ ചോദിക്കുന്നു. പാര്‍ലമെന്റ് കെട്ടിടമെന്നാല്‍ അത് രാജ്യത്തിന്റെ സ്വത്താണ്. ഇതില്‍ എന്തെങ്കിലും വ്യക്തി താത്പര്യം കാണേണ്ട ആവശ്യമില്ലെന്നും അദ്ദേഹം അറിയിച്ചു. ആ ​ഗം​ഭീ​ര​മാ​യ കെ​ട്ടി​ടം നി​ർ​മി​ച്ച​ത് രാ​ജ്യ​ത്തെ ജ​ന​ങ്ങ​ളു​ടെ നി​കു​തി​പ്പ​ണം ഉ​പ​യോ​ഗി​ച്ചാ​ണ്. അ​ത് രാ​ജ്യ​ത്തി​ന്‍റേ​താ​ണ്. ഇത് ഏതെങ്കിലും പാര്‍ട്ടിയുടേയോ വ്യക്തിയുടെയോ പരിപാടി അല്ലെന്നും ഇത് രാജ്യത്തിന്റെ മുഴുവന്‍ ചടങ്ങാണെന്നും അദ്ദേഹം കൂട്ടിച്ചേര്‍ത്തു.

രാ​ഷ്ട്രീ​യ​മാ​യി ബി​ജെ​പി​യെ എ​തി​ർ​ക്കാ​ൻ ത​നി​ക്ക് നി​ര​വ​ധി കാ​ര​ണ​ങ്ങ​ളു​ണ്ട്. എ​ന്നാ​ൽ പാ​ർ​ല​മെ​ന്‍റ് മ​ന്ദി​രം തു​റ​ക്കു​ന്ന കാ​ര്യ​ത്തി​ൽ രാ​ഷ്ട്രീ​യം കൊ​ണ്ടു​വ​രാ​ൻ ഇ​ഷ്ട​പ്പെ​ടു​ന്നി​ല്ലെ​ന്നും അ​ദ്ദേ​ഹം ഔ​ദ്യോ​ഗി​ക പ്ര​സ്താ​വ​ന​യി​ൽ പ​റ​ഞ്ഞു.

ഈ മാസം 28നാണ് പുതിയ പാര്‍ലമെന്റ് കെട്ടിടത്തിന്റെ ഉദ്ഘാടനം നടക്കുക. നരേന്ദ്രമോദി സര്‍ക്കാര്‍ അധികാരത്തില്‍ വന്നിട്ട് ഒമ്പത് വര്‍ഷം പൂര്‍ത്തിയാകുന്ന വേളയിലാണ് പുതിയ പാര്‍ലമെന്റ് മന്ദിരം. പാര്‍ലമെന്റ് അംഗങ്ങള്‍ക്ക് പുറമേ എല്ലാ രാഷ്ട്രീയ പാര്‍ട്ടികളെയും പ്രമുഖ വ്യക്തികളെയും പാര്‍ലമെന്റ് ഉദ്ഘാടന ചടങ്ങിലേയ്ക്ക് ക്ഷണിയ്ക്കുന്നുണ്ട്. 970 കോടി രൂപ ചെലവില്‍ ടാറ്റ പ്രോജക്ട്‌സ് ആണ് 64,500 ചതുരശ്ര മീറ്റര്‍ വിസ്തീര്‍ണ്ണമുള്ള കെട്ടിടം നിര്‍മിച്ചത്.