ബിബിസി ഡോക്യുമെന്ററി : സ്ഥിരമായ വിലക്ക്, നഷ്ടപരിഹാരം എന്നിവ ആവശ്യപ്പെട്ടുള്ള ഹർജിയിൽ ബിബിസിക്കും മറ്റുള്ളവർക്കും കോടതി സമൻസ് അയച്ചു

പ്രധാനമന്ത്രി നരേന്ദ്ര മോദിയെ അടിസ്ഥാനമാക്കിയുള്ള ബിബിസി ഡോക്യുമെന്ററി പ്രസിദ്ധീകരിക്കുന്നതിൽ നിന്ന്  തടയണമെന്ന് ആവശ്യപ്പെട്ട് സമർപ്പിച്ച ഹർജിയിൽ ബ്രിട്ടീഷ് ബ്രോഡ്കാസ്റ്റിംഗ് കോർപ്പറേഷൻ (ബിബിസി), വിക്കിമീഡിയ ഫൗണ്ടേഷൻ, ഇന്റർനെറ്റ് ആർക്കൈവ് എന്നിവയ്ക്ക് ഡൽഹിയിലെ രോഹിണി കോടതി ബുധനാഴ്ച സമൻസ് അയച്ചു.

ബിനയ് കുമാർ സിംഗ് സമർപ്പിച്ച ഹർജിയിൽ അഡീഷണൽ ജില്ലാ ജഡ്ജി രുചിക സിംഗ്ല പ്രതികൾക്ക് സമൻസ് അയച്ചു. സമൻസ് അയച്ച് 30 ദിവസത്തിനകം രേഖാമൂലം മൊഴി നൽകാനും കോടതി നിർദേശിച്ചിട്ടുണ്ട്. മെയ് 11 ന് കേസ് തുടർനടപടികൾക്കായി ലിസ്റ്റ് ചെയ്തിട്ടുണ്ട്.