കൊൽക്കത്തയിലെ ബരുയ്പൂരിൽ 11 വയസ്സുകാരിയെ പീഡിപ്പിച്ചു കൊലപ്പെടുത്തിയ കേസിലെ മുഖ്യപ്രതി പോലീസ് ഏറ്റുമുട്ടലിൽ കൊല്ലപ്പെട്ടു. കേസിലെ പ്രതിയായ പ്രഭാഷ് മൊണ്ടാലാണ് പോലീസ് കസ്റ്റഡിയിൽ നിന്ന് രക്ഷപ്പെടാൻ ശ്രമിക്കുന്നതിനിടെ കൊല്ലപ്പെട്ടത് (Baruipur Police Encounter). കുറ്റകൃത്യം നടന്ന സ്ഥലത്തേക്ക് കൊണ്ടുപോകുന്നതിനിടെ ഇയാൾ പോലീസ് ഉദ്യോഗസ്ഥന്റെ തോക്ക് തട്ടിയെടുത്ത് രക്ഷപ്പെടാൻ ശ്രമിച്ചെന്നാണ് പോലീസ് ഭാഷ്യം. ഈ സമയം നടന്ന ഏറ്റുമുട്ടലിൽ ഇയാൾക്ക് വെടിയേൽക്കുകയായിരുന്നു.
കേസിൽ പ്രഭാഷ് മൊണ്ടാലിനെ കൂടാതെ ആനന്ദ സർദാർ, ദിവാകർ സർദാർ എന്നിവരെയും പോലീസ് അറസ്റ്റ് ചെയ്തിരുന്നു. പെൺകുട്ടിയുടെ മൃതദേഹം ചാക്കിൽ കെട്ടി കുളത്തിൽ തള്ളിയ നിലയിൽ കണ്ടെത്തിയതിനെത്തുടർന്ന് പ്രദേശത്ത് വൻ പ്രതിഷേധങ്ങൾ ഉയർന്നിരുന്നു. സംഭവത്തിൽ നിരപരാധിയായ ഇന്ദ്രജിത്ത് മൊണ്ടാൽ എന്നയാളെ നാട്ടുകാർ മർദ്ദിച്ച് കൊലപ്പെടുത്തിയ സംഭവവും റിപ്പോർട്ട് ചെയ്തിട്ടുണ്ട്. ഈ കേസിലും പ്രതികൾക്ക് പങ്കുണ്ടെന്ന് പോലീസ് അറിയിച്ചു.
അക്രമസംഭവങ്ങൾ തടയുന്നതിനായി 20 പേരെ ഇതുവരെ അറസ്റ്റ് ചെയ്തിട്ടുണ്ട്. പ്രദേശത്ത് കലാപത്തിന് ആഹ്വാനം ചെയ്ത 200 പേരെ തിരിച്ചറിഞ്ഞിട്ടുണ്ടെന്നും, അക്രമികൾക്കെതിരെ കർശന നടപടി സ്വീകരിക്കുമെന്നും ബംഗാൾ മുഖ്യമന്ത്രി സുവേന്ദു അധികാരി വ്യക്തമാക്കി. അക്രമങ്ങൾക്കിടെ പോലീസ് വാഹനങ്ങളും റെയിൽവേ ട്രാക്കുകളും നശിപ്പിക്കപ്പെട്ട സാഹചര്യത്തിൽ സുരക്ഷാ സേന വിന്യാസം ശക്തമാക്കിയിട്ടുണ്ട്.
Summary: The key accused in the brutal rape and murder of an 11-year-old girl in West Bengal’s Baruipur, Pravash Mondal, was killed in a police encounter while attempting to escape custody during a crime scene reconstruction. The incident, which also saw innocent bystanders lynched by angry mobs, has led to widespread unrest in the area, prompting the Chief Minister to promise strict legal action against all those involved in the violence.
