പാര്‍ക്കിലൂടെ നടക്കുന്നതിനിടെ യുവതിയെ അപമാനിക്കാൻ ശ്രമം; യുവാവിനെ മർദിച്ച ശേഷം പരസ്യമായി നഗ്നനാക്കി നടത്തിച്ചു
Jan 13, 2022, 11:44 IST
ബംഗളൂരു: യുവതിയോട് അപമര്യാദയായി പെരുമാറിയളെ മർദിച്ച ശേഷം പരസ്യമായി നഗ്നനാക്കി നടത്തിക്കുകയും ചെയ്തു. കര്‍ണാടകയിലെ ഹസന്‍ ജില്ലയിലുള്ള മഹാരാജാ പാര്‍ക്കിലാണ് സംഭവം നടന്നത്. വിജയപുര ജില്ലയില്‍ നിന്നുള്ള മേഘരാജ് എന്നയാളാണ് യുവതിയെ അപമാനിച്ചതിന് നാട്ടുകാരുടെ മർദ്ദനം ഏറ്റത്. ഹസന്‍ സിറ്റിയില്‍ നിര്‍മാണ ജോലിക്ക് എത്തിയതാണ് ഇയാള്‍. പാര്‍ക്കിലൂടെ നടക്കുന്നതിനിടെയാണ് ഇയാള്‍ യുവതിയെ അപമാനിക്കാന്‍ ശ്രമിച്ചത്. സംഭവം നാട്ടുകാരുടെ ശ്രദ്ധയില്‍പ്പെടുകയും, തുടര്‍ന്ന് സംഘടിച്ചെത്തിയ ആളുകള്‍ ഇയാളെ മര്‍ദിക്കുകയും നഗ്നനാക്കി ഹേമാവതി സ്റ്റാച്യു സര്‍ക്കിളില്‍ കൂടി നടത്തിക്കുകയും ചെയ്തു. സംഭവത്തില്‍ നാല് പേര്‍ക്കെതിരെ പോലീസ് കേസെടുത്തിട്ടുണ്ട്.