ജെല്ലിക്കെട്ട് സംസ്കാരത്തിന്റെ അവിഭാജ്യഘടകം; എതിര് ഹര്ജികള് സുപ്രീം കോടതി തള്ളി
![ജെല്ലിക്കെട്ട് സംസ്കാരത്തിന്റെ അവിഭാജ്യഘടകം; എതിര് ഹര്ജികള് സുപ്രീം കോടതി തള്ളി](https://timeskerala.com/static/c1e/client/91214/uploaded/1026fdb61faf2747c3f28031fe869ed6.jpg)
തമിഴ് ജനതയുടെ സാംസ്കാരിക പെെതൃകത്തിന്റെ ഭാഗമാണ് ജെല്ലിക്കെട്ടെന്നും കോടതി അഭിപ്രായപ്പെട്ടു. നിയമം നിര്മിക്കാനുള്ള അധികാരം നിയമസഭകൾക്കുണ്ടെന്നും, ഭേദഗതി രാഷ്ട്രപതി അംഗീകരിച്ചാതാണെന്നും കോടതി നിരീക്ഷിച്ചു.
മൃഗങ്ങളോടുള്ള ക്രൂരതയാണെന്ന കാരണം ചൂണ്ടിക്കാട്ടി മലയാളിയായ ജസ്റ്റീസ് കെ.എസ്. രാധാകൃഷ്ണന് അധ്യക്ഷനായ ബെഞ്ച് 2014ല് ഈ കായിക വിനോദം നിരോധിച്ചിരുന്നു.
![](https://timeskerala.com/static/c1e/static/themes/16/91214/3752/images/New-Creative-.png)
എന്നാല് നിരോധനത്തെ മറികടക്കാന് 2017ല് തമിഴ്നാട് നിയമഭേദഗതി പാസാക്കി. സംസ്ഥാനത്തിന്റെ സാംസ്കാരിക പൈതൃകത്തിന്റെ ഭാഗമാണ് ജെല്ലിക്കെട്ടെന്നും അതുകൊണ്ട് തന്നെ ഭരണഘടയുടെ അനുച്ഛേദം 29(1) അനുസരിച്ച് ജെല്ലിക്കെട്ട് സംരക്ഷിക്കപ്പെടേണ്ടതാണെന്നായിരുന്നെന്നും ഭേദഗതിയില് പറയുന്നു.
ഈ ഭേദഗതിക്കെതിരേ മൃഗസ്നേഹികളുടെ സംഘടനയായ പേട്ട (പീപ്പിള് ഫോര് ദ എത്തിക്കല് ട്രീറ്റ്മെന്റ് ഓഫ് ആനിമല്സ് ) സുപ്രീം കോടതിയെ സമീപിക്കുകയായിരുന്നു.