ന്യൂഡൽഹി: ജൂൺ മുതൽ ഓഗസ്റ്റ് വരെയുള്ള കാലയളവിൽ തിരഞ്ഞെടുത്ത ചില രാജ്യാന്തര റൂട്ടുകളിൽ എയർ ഇന്ത്യ സർവീസുകൾ കുറയ്ക്കുന്നു (Air India International Flights Cut). വ്യോമപാത നിയന്ത്രണങ്ങളും വിമാന ഇന്ധനവിലയിലുണ്ടായ റെക്കോർഡ് വർദ്ധനവുമാണ് ഇത്തരമൊരു തീരുമാനത്തിന് പിന്നിലെ പ്രധാന കാരണങ്ങൾ.
താൽക്കാലികമായി നിർത്തിവെച്ച റൂട്ടുകൾ: ഡൽഹി–ഷിക്കാഗോ, മുംബൈ–ന്യൂയോർക്ക്, ഡൽഹി–ഷാങ്ഹായ്, ചെന്നൈ–സിംഗപ്പുർ എന്നീ പ്രധാന റൂട്ടുകളിലും മറ്റ് രണ്ട് റൂട്ടുകളിലുമാണ് സർവീസുകൾ താൽക്കാലികമായി കുറയ്ക്കുന്നത്.
നിയന്ത്രണങ്ങൾ ഉണ്ടെങ്കിലും എല്ലാ മാസവും 1,200-ലധികം രാജ്യാന്തര സർവീസുകൾ തുടർന്നും നടത്തുമെന്ന് കമ്പനി അറിയിച്ചു.
മറ്റ് പ്രധാന റൂട്ടുകൾ:
നോർത്ത് അമേരിക്ക: ആഴ്ചയിൽ 33 സർവീസുകൾ.
ബ്രിട്ടൻ: ആഴ്ചയിൽ 57 സർവീസുകൾ.
യൂറോപ്പ്: ആഴ്ചയിൽ 47 സർവീസുകൾ.
തെക്ക് കിഴക്കൻ ഏഷ്യ & സാർക്ക് (SAARC) രാജ്യങ്ങൾ: പ്രതിവാരം 158 സർവീസുകൾ.
ഓസ്ട്രേലിയ (8), മൗറീഷ്യസ് (7) എന്നിവിടങ്ങളിലേക്കും സർവീസുകൾ തുടരും.
നിലവിലെ പ്രതിസന്ധികൾക്കിടയിലും യാത്രക്കാർക്ക് വലിയ ബുദ്ധിമുട്ടുകൾ ഇല്ലാത്ത വിധം ക്രമീകരണങ്ങൾ ഉറപ്പാക്കുമെന്ന് എയർ ഇന്ത്യ വ്യക്തമാക്കിയിട്ടുണ്ട്.
News Summary : Air India has announced a reduction in flight services on selected international routes from June to August 2026. This decision is attributed to airspace restrictions in certain regions and record-high aviation fuel prices. Key routes affected include Delhi-Chicago, Mumbai-New York, Delhi-Shanghai, and Chennai-Singapore. Despite these cuts, the airline will continue to operate over 1,200 international flights monthly, including 33 weekly flights to North America and 158 to Southeast Asia and SAARC nations.
