ന്യൂഡൽഹി: സാധാരണക്കാരന്റെ കുടുംബ ബജറ്റിന് തിരിച്ചടിയായി രാജ്യത്ത് പാൽവില വീണ്ടും വർദ്ധിപ്പിച്ചു. പ്രമുഖ ബ്രാൻഡുകളായ അമുലും (Amul) മദർ ഡയറിയും (Mother Dairy) ലിറ്ററിന് രണ്ട് രൂപ വീതമാണ് വർദ്ധിപ്പിച്ചത് (Amul Milk Price Hike May 2026). പുതുക്കിയ വിലകൾ മെയ് 14 മുതൽ പ്രാബല്യത്തിൽ വരും.കാലിത്തീറ്റയുടെ വിലവർദ്ധനവ്, പാക്കേജിംഗ് ചെലവ്, ഇന്ധനവിലയിലുണ്ടായ വർദ്ധനവ് എന്നിവയാണ് പാൽവില കൂട്ടാൻ കാരണമായി ഗുജറാത്ത് കോപ്പറേറ്റീവ് മിൽക്ക് മാർക്കറ്റിങ് ഫെഡറേഷൻ (GCMMF) ചൂണ്ടിക്കാട്ടുന്നത്.
പുതുക്കിയ നിരക്കുകൾ (പ്രധാന വിപണികളിൽ):
അമുൽ ഗോൾഡ് (500 ml): ₹36
അമുൽ താസ (500 ml): ₹30
പശുവിൻ പാൽ (500 ml): ₹31
സ്ലിം എൻ ട്രിം (500 ml): ₹27
എരുമപ്പാലിന് ലിറ്ററിന് നാല് രൂപയുടെ വർദ്ധനവാണ് രേഖപ്പെടുത്തിയിരിക്കുന്നത്. ഇതോടെ ഒരു ലിറ്റർ എരുമപ്പാലിന് ₹80 ആയി ഉയർന്നു. ഉപഭോക്താവ് നൽകുന്ന ഒരു രൂപയിൽ 80 പൈസയും കർഷകരിലേക്ക് എത്തുന്ന നയമാണ് അമുൽ പിന്തുടരുന്നതെന്നും ഈ വിലവർദ്ധനവ് കർഷകർക്ക് കൂടുതൽ പാൽ ഉത്പാദിപ്പിക്കാൻ പ്രേരണയാകുമെന്നും കമ്പനി അറിയിച്ചു.
പാലുൽപ്പന്നങ്ങളുടെ വില വർദ്ധിക്കുന്നത് ഹോട്ടൽ ഭക്ഷണങ്ങളെയും ചായ, കാപ്പി തുടങ്ങിയ വിഭവങ്ങളുടെ വിലയെയും വരും ദിവസങ്ങളിൽ ബാധിക്കാൻ സാധ്യതയുണ്ട്.
News Summary: Leading dairy brands Amul and Mother Dairy have announced a nationwide price hike of ₹2 per litre, effective from May 14, 2026. The price revision is attributed to a significant increase in the cost of cattle feed, packaging materials, and fuel. In major markets like Delhi and Uttar Pradesh, Amul Gold will now cost ₹36 for a 500ml pack, while Buffalo milk has seen a ₹4 per litre jump to ₹80. This marks the second price adjustment within 13 months, putting additional pressure on household budgets and potentially increasing the cost of tea, coffee, and other dairy-based food items.
