റെയില്വേ ട്രാക്കില് ജോലി ചെയ്തിരുന്ന തൊഴിലാളികള് ട്രെയിനിടിച്ചു മരിച്ചു
Sep 21, 2022, 09:33 IST
കരിംനഗർ: റെയില്വേ ട്രാക്കില് ജോലി ചെയ്തിരുന്ന മൂന്ന് തൊഴിലാളികള് ട്രെയിനിടിച്ചു മരിച്ചു. ഡൽഹിയിൽ നിന്ന് ബംഗളൂരുവിലേക്ക് പോവുകയായിരുന്ന രാജധാനി എക്സ്പ്രസാണ് മൂന്നുപേരെയും ഇടിച്ചത്.
ദുർഗയ്യ, വേണു, സീനു എന്നിവരാണ് മരണപ്പെട്ടത്. മറ്റൊരാൾ പരുക്കുകളോടെ രക്ഷപ്പെട്ടു. തെലങ്കാനയിലെ പെദ്ദപ്പള്ളി ജില്ലയിലാണ് അപകടം നടന്നത്. വൈകുന്നേരം നാലോടെ ചിക്കുറായി, കോതപ്പള്ളി വില്ലേജുകൾക്കിടയിലെ പാളത്തിൽ അറ്റകുറ്റപ്പണികൾ നടക്കുന്നതിനിടെയായിരുന്നു അപകടം.
മൃതദേഹങ്ങൾ തിരിച്ചറിയാൻ കഴിയാത്ത അവസ്ഥയിലായിരുന്നു.സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.