കോളേജ് കെട്ടിടത്തിന് മുകളിൽ നിന്ന് ചാടി വിദ്യാർഥിനി ജീവനൊടുക്കി
Sep 21, 2022, 09:18 IST
ന്യൂഡൽഹി: ഡൽഹിയിൽ കോളേജ് കെട്ടിടത്തിന് മുകളിൽ നിന്ന് ചാടി വിദ്യാർഥിനി ജീവനൊടുക്കി. ഹരിയാന സ്വദേശിയായ 20 വയസുകാരിയാണ് മരണപ്പെട്ടത് .
മധ്യ ഡൽഹിയിലെ പ്രമുഖ കോളജിലെ രണ്ടാം വർഷ ബിരുദ വിദ്യാർഥിനിയാണ് യുവതി. തിങ്കളാഴ്ച രാത്രിയാണ് കോളജിന്റെ പ്രധാന കെട്ടിടത്തിന് മുകളിൽ നിന്ന് യുവതി താഴേക്ക് ചാടിയത്. തന്റെ മരണത്തിന് താൻ മാത്രമാണ് ഉത്തരവാദിയെന്നും മറ്റാരെയും പഴിക്കാനില്ലെന്നുമാണ് യുവതിയുടെ ആത്മഹത്യാകുറിപ്പ്.
പോസ്റ്റ്മോർട്ടം നടപടികൾക്ക് ശേഷം മൃതദേഹം ബന്ധുക്കൾക്ക് വിട്ടുനൽകിയെന്നും സംഭവത്തിൽ വിശദമായ അന്വേഷണം ആരംഭിച്ചിട്ടുണ്ടെന്നും പോലീസ് പറഞ്ഞു.