ശരദ് പവാറിനെതിരെ ഫേസ്ബുക്ക് പോസ്റ്റ്; നടി കേതകി ചിതാലെ അറസ്റ്റിൽ
May 15, 2022, 11:32 IST
മുംബൈ: എൻസിപി നേതാവ് ശരദ് പവാറിനെ അവഹേളിച്ചെന്ന പരാതിയെ തുടർന്ന് മറാത്തി നടി കേതകി ചിതാലയെ പോലീസ് അറസ്റ്റ് ചെയ്തു. സമൂഹമാധ്യമങ്ങളിലൂടെ ശരദ് പവാറിനെ അപകീർത്തിപ്പെടുത്താൻ കുറിപ്പ് പങ്കുവെച്ചുവെന്നാണ് എൻസിപി പ്രവർത്തകർ നൽകിയ പരാതിയിൽ പറയുന്നത്. താനെ പോലീസാണ് താരത്തെ കസ്റ്റഡിയിലെടുത്തത്.എന്നാൽ മറ്റൊരാൾ എഴുതിയ പോസ്റ്റ് പങ്കുവയ്ക്കുകയാണ് നടി ചെയ്തത്. നിതിൻ ഭാവെ എന്ന അഭിഭാഷകനാണ് ഈ കുറിപ്പ് എഴുതിയത്.