മഹാരാഷ്ട്രയിൽ വിമതപക്ഷത്തേക്ക് സമവായ ചർച്ചയ്ക്കെത്തിയ രവിന്ദ്ര ഫാഠക് ഉൾപ്പെടെ മൂന്ന് എംഎൽഎമാർ കൂടി
മുംബൈ: ഏക്നാഥ് ഷിൻഡേയുടെ നേതൃത്വത്തില് മഹാരാഷ്ട്രയിൽ വിമത പക്ഷത്തേക്ക് എംഎല്എമാരുടെ ഒഴുക്ക്. വിമതപക്ഷത്തേക്ക് സമവായ ചർച്ചയ്ക്കെത്തിയ രവിന്ദ്ര ഫാഠക് ഉൾപ്പെടെ മൂന്ന് എംഎൽഎമാർ കൂടി മാറി. വിമതർക്ക് പിന്തുണയുമായി രംഗത്തുവന്നത് രവിന്ദ്ര ഫാഠകിനൊപ്പം സഞ്ജയ് റാത്തോഡ്, ദാദാജി ദുസെ എന്നിവരാണ്.
ഇതിനിടെ ആസാമിലെ ബിജെപി മന്ത്രി അശോക് സിംഗാൾ ആസാമിലുള്ള ഏക്നാഥ് ഷിൻഡെയെയും മറ്റ് ശിവസേന എംഎൽഎമാരെയും നേരിൽ കണ്ടു. കൂടിക്കാഴ്ച ഇവർ താമസിക്കുന്ന ഹോട്ടലിൽ എത്തിയായിരുന്നു .
ബിജെപി ഉപമുഖ്യമന്ത്രി സ്ഥാനം ഏക്നാഥ് ഷിൻഡെയ്ക്കു വാഗ്ദാനം ചെയ്തതായാണ് റിപ്പോർട്ട്. ബിജെപി എട്ട് മന്ത്രിപദവും രണ്ട് സഹമന്ത്രി പദവും രണ്ട് കേന്ദ്രമന്ത്രി സ്ഥാനവും വാഗ്ദാനം ചെയ്തെന്നും റിപ്പോർട്ടുകളുണ്ട്.