നാഷണല് ഹെറാള്ഡ് കേസ്: സോണിയ ഗാന്ധിയേയും രാഹുല് ഗാന്ധിയേയും ഇ.ഡി വീണ്ടും ചോദ്യം ചെയ്തേക്കും
Aug 6, 2022, 11:02 IST
ന്യൂഡല്ഹി: നാഷണല് ഹെറാള്ഡ് കേസില് കോണ്ഗ്രസ് അധ്യക്ഷ സോണിയ ഗാന്ധിയേയും രാഹുല് ഗാന്ധിയേയും എന്ഫോര്സ്മെന്റ് ഡയറക്ടറേറ്റ് വീണ്ടും ചോദ്യം ചെയ്തേക്കുമെന്ന് റിപ്പോർട്ട്. ഡല്ഹിയിലെ നാഷണല് ഹെറാള്ഡ് ഓഫീസില് ഉള്പ്പടെ നടത്തിയ റെയ്ഡുകളില് ലഭിച്ച രേഖകളുടെ അടിസ്ഥാനത്തിലാണ് വീണ്ടും ചോദ്യം ചെയ്യാന് ഇഡി ആലോചിക്കുന്നത്. നേരത്തെ സോണിയ ഗാന്ധിയെ മൂന്ന് ദിവസവും, രാഹുല് ഗാന്ധിയെ അഞ്ച് ദിവസവും നേരത്തെ ഇഡി ചോദ്യം ചെയ്തിരുന്നു. കോണ്ഗ്രസിന്റെ ശക്തമായ പ്രതിഷേധങ്ങള്ക്കിടയിലാണ് ചോദ്യം ചെയ്യല് നടന്നത്.